२०८२ माघ ९ गते शुक्रवार
२०८२ माघ ९ गते शुक्रवार
वालिङ । स्याङ्जाको वालिङ नगरपालिकाले शुक्रबार सार्वजनिक बिदा दिएको छ । पालिकाले पहिलो पटक आयोजना गरेको सडक तथा खाना महोत्सवलाई मध्यनजर गर्दै सार्वजनिक बिदा दिएको नगरप्रमुख कृष्ण खांणले जानकारी दिए ।
‘हाम्रो नगरमा हाम्रै खाना, स्थानीय वृद्धि हाम्रो चाहाना’ मुल नाराका साथ चलिरहेको महोत्सवले मौलिक खानालाई प्रवर्धन गर्दै बजारसम्म पुर्याउन सहयोगी हुने नगरपालिकाको भनाइ छ ।
सडक खाना महोत्सवले स्थानीय खानाको संरक्षण तथा दस्ताबेजीकरण, विभिन्न जातजातिको सांस्कृतिक विविधताको प्रचारप्रसार हुने प्रमुख खांणको भनाइ छ ।
वालिङ–८ स्थित खेलमैदानदेखि सुर्कौदी पुलसम्मको आँधीखोला करिडोर क्षेत्रमा बुधबारबाट महोत्सवको आयोजना भइरहेको छ ।
महोत्सवलाई भव्य र सहभागीता मूलक बनाउनका लागि स्थानीय तहका सबै सरकारी तथा गैर–सरकारी संस्थामा आज बिदा दिने निर्णय गरिएको पालिकाले जनाएको छ ।
© 2026 All right reserved to khabarcnter.com | Site By : Sobij
