२०८२ मंसिर १४ गते आइतवार
काठमाडौं । गोरखाबाट नारयणगढतर्फ जान लागेको यात्रुवाहक बस दुर्घटनामा परेको छ । आइतबार दिउँसो ना ४ ख १४१९ नम्बरको बस दुर्घटनामा परेको जिल्ला प्रहरी कार्यालय गोरखाले बताएको छ ।
आँबुखैरेनी-गोरखा सडक खण्डको १२ किलो भन्ने ठाउँमा बस रोकिरहेको थियो । प्रहरीका अनुसार, बस रोकिरहेको ठाउँबाट केही तल झरेको हो ।
रोकिरहेको ठाउँबाटै बस गुडेर केही मिटर मात्रै तल झरेको प्रहरीले बताएको छ । प्रहरीका अनुसार, बसमा करिब २० जना सवार थिए ।
घाइतेमध्ये एक जनालाई चितवन लगिएको छ भने अन्य घाइतेहरुलाई जिल्ला अस्पताल गोरखा लगिएको छ ।
© 2025 All right reserved to khabarcnter.com | Site By : Sobij