काठमाडौं । नेपालमा हायात ब्रान्डको तेस्रो होटेलको रूपमा रुपन्देहीको बुटवलमा हायात प्लेस बुटवलको औपचारिक उद्घाटन गरिएको छ। पाहुनाहरू र वर्ल्ड अफ हायात का सदस्यहरूका लागि महत्त्वपूर्ण मानिने बजारहरूमा विश्वव्यापी उपस्थिति विस्तार गर्ने क्रममा हायात प्लेस ब्रान्डले यो नयाँ होटेल सञ्चालनमा ल्याएको हो। 

यस नयाँ होटेलमा हायात प्लेस ब्रान्डको मौलिक डिजाइन, अनौपचारिक तथा आरामदायी वातावरण र निःशुल्क वाइ-फाइ तथा २४ सै घण्टा खानाका परिकार जस्ता व्यावहारिक सुविधाहरू उपलब्ध छन्। हायात प्लेस बुटवललाई बिजनेस (व्यापारिक) र लेजर (फुर्सदको समय बिताउने) दुवै प्रकारका यात्रुहरूको विविध आवश्यकता पूरा गर्ने गरी तयार पारिएको छ, जहाँ आराम र काम बीचको सन्तुलन पाउन सकिन्छ।

पाहुनाहरूको सत्कारमा केहि कसर नछाड्ने हायातको मूल मन्त्रलाई आत्मसाथ गर्दै, हायात प्लेस होटेलहरूले शैली, नवीनता र २४ सै घण्टा उपलब्ध हुने सुविधाहरूको संयोजन गरी आधुनिक व्यस्त यात्रुहरूका लागि सहज अनुभव प्रदान गर्दछन्। होटेलमा किंग र ट्विन रुमहरू, फरेस्ट भ्यू र हिल भ्यू विकल्पहरू सहित ३०० देखि ७७५ वर्ग फिट (२८ देखि ७२ वर्ग मिटर) सम्मका विभिन्न श्रेणीका कोठाहरू र फराकिला सुइटहरू उपलब्ध छन्। 

यस होटेलको मुख्य आकर्षण भनेको १,५६० वर्ग फिट (१४५ वर्ग मिटर) मा फैलिएको प्रेसिडेन्सियल सुइटु हो, जसले विशिष्ट पाहुनाहरूलाई उच्चस्तरीय अनुभव प्रदान गर्दछ। साथै, हायात प्लेस बुटवलमा १५० जनासम्म अटाउने ग्रान्ड बलरुम सहितको मिटिङ र कार्यक्रम स्थलहरू पनि उपलब्ध छन्।

“हामी हाम्रा पाहुनाहरूको अपेक्षाभन्दा माथि उठेर उत्कृष्ट आतिथ्य अनुभव प्रदान गर्न प्रतिबद्ध छौँ,” हायात प्लेस बुटवलका जनरल म्यानेजर तुषार नगरले भने, “हाम्रा विशेष रूपमा डिजाइन गरिएका कोठाहरू, विविध खानपानका विकल्पहरू र फराकिला कार्यक्रम स्थलहरूले गर्दा हामी बिजनेस र लेजर दुवैखाले यात्रुहरूका लागि आदर्श गन्तव्य बनेका छौँ।’

काम गर्न, थकान मेटाउन, सम्मेलनमा भाग लिन वा विशेष अवसर मनाउन आएका पाहुनाहरूलाई हरेक मोडमा सुविधा र आरामको मिलन हुने गरी स्वागतयोग्य वातावरण सिर्जना गर्न प्रयासरत रहेकाे उनले बताए ।

हायात प्लेस बुटवलका विशेषताहरू

हायात प्लेस बुटवलका विशेषताहरूले आधुनिक यात्रुहरूको सुविधा, आराम र सम्पूर्ण अनुभवलाई ध्यानमा राख्दै तयार गरिएको छन्।

होटलमा सुत्ने, काम गर्ने र रमाइलो गर्ने छुट्टाछुट्टै स्थान भएको १०९ फराकिला गेस्ट रुमहरू उपलब्ध छन्, जसमा ‘कोजी कर्नर’ सोफा–स्लिपर बेडसमेत समावेश छ।

पाहुनाहरूका लागि तातो तथा चिसो परिकारहरू सहितको निःशुल्क ब्रेकफास्ट व्यवस्था छ, जसले प्रत्येक बिहानलाई सहज बनाउँछ। दिन वा रात जुनसुकै समयमा ताजा खाना वा खाजा प्राप्त गर्न ‘द मार्केट’ उपलब्ध छ भने ‘जिङ बार’ मा विशेष कफी, प्रिमियम बियर, वाइन र ककटेलहरू मज्जा लिन सकिन्छ।

कुनै आवश्यक सामान बिर्सिएमा किन्न, सापटी लिन वा निःशुल्क प्रयोग गर्न मिल्ने ‘नेसेसिटिज’ कार्यक्रमले यात्रुलाई थप सहज बनाउँछ। होटल र सबै कोठामा निःशुल्क वाइ-फाइ सुविधा छ, साथै पारिवारिक वातावरणका लागि आउटडोर स्विमिङ पुल, फिटनेस सेन्टर, स्पा र बालबालिका खेल्ने क्षेत्र समेत उपलब्ध गराइएको छ।

हायात प्लेस बुटवलको नेतृत्व
हायात प्लेस बुटवलको नेतृत्व जनरल म्यानेजर तुषार नगर र सेल्स डाइरेक्टर पार्थ ब्यानर्जीले सम्हालेका छन्।

हायात प्लेसको बारेमा
हायात प्लेसका होटेलहरूले शैली, नवीनता र २४ सै घण्टा उपलब्ध सुविधाहरूको संयोजन गरी आधुनिक व्यस्त यात्रुहरूका लागि सहज अनुभव सिर्जना गर्दछन्। पाहुनाहरूले सुत्न, काम गर्न र रमाइलो गर्नका लागि छुट्टाछुट्टै स्थानहरू भएका कोठाहरूको आनन्द लिन सक्छन्। साथै, यहाँको खुला सामाजिक वातावरणले कामबाट विश्रामतर्फको संक्रमणलाई सहज बनाउँछ। विश्वभर ४४० भन्दा बढी स्थानहरूमा रहेका हायात प्लेस होटेलहरूमा सुविधाजनक खानपानका विकल्पहरू, २४ सै घण्टा खुल्ने फिटनेस सेन्टर र हरेक बिहान तातो ब्रेकफास्ट उपलब्ध छ ।