२०८२ मंसिर १४ गते आइतवार
२०८२ मंसिर १४ गते आइतवार
काठमाडौं । संस्कृति इन्टरनेसनल स्कुलको वार्षिक स्पोट्र्स डेको अवसरमा आयोजित विशेष समारोहमा संस्कृति स्पोर्ट्स सम्मानद्वारा राष्ट्रिय क्रिकेटका युवा खेलाडी गुलशन झा सम्मानित भएका छन् । खेलकुद क्षेत्रमा उल्लेखनीय योगदान गरेको कदरस्वरूप झालाई नगद एक लाख एक हजार रुपैयाँ नगदसहित सम्मान प्रदान गरिएको हो ।
कार्यक्रममा प्रमुखअतिथि युवा तथा खेलकुदमन्त्री बब्लु गुप्ताले सम्मानपत्र र नगद रकम हस्तान्तरण गर्दै गुलशन झाले खेलकुद क्षेत्रमा गरेको योगदानको प्रशंसा गरे । उनले युवा पुस्तालाई खेलकुदमार्फत् अनुशासित, सक्षम र आत्मनिर्भर बनाउन यस्तो सम्मानले थप प्रेरणा मिल्ने विश्वास व्यक्त गरे ।
कार्यक्रममा विशेषअतिथि खेलकुद पत्रकार मञ्चका प्रमुख उपाध्यक्ष प्रज्जवल वलीको पनि उपस्थिति रहेको थियो । वलीले खेलकुद प्रतिभालाई प्रोत्साहन गर्ने संस्कृतिको निरन्तरता प्रशंसनीय रहेको बताउँदै संस्कृति स्कुलको भूमिकाको खुलेर प्रशंसा गरे । हरेक वर्ष खेलकुद पत्रकार मञ्च र संस्कृति स्कुलले संयुक्त छनोट गर्दै सहकार्य गरेको आयोजकले जनाएको छ ।
संस्कृति स्कुलले यसअघि पनि विभिन्न विधाका उत्कृष्ट खेलाडी तथा व्यक्तित्वहरूलाई सम्मान गर्दै आएको छ । यसअघि पहिलो संस्करणमा धाविका सन्तोषी श्रेष्ठ, दोस्रो संस्करणमा क्रिकेट खेलाडी कुशल मल्ल र तेस्रो संस्करणमा पलेसा गोवर्धनलाई संस्कृति स्पोट्र्स सम्मान प्रदान गरिसकेको छ ।
सो अवसरमा संस्कृति स्कुलका अध्यक्ष रन्जीत आचार्यले खेलकुद क्षेत्रमार्फत् राष्ट्रको पहिचानलाई विश्वस्तरमा चिनाउने प्रतिभाहरूलाई निरन्तर हौसला प्रदान गर्दै जाने प्रतिबद्धता व्यक्त गरे ।
© 2025 All right reserved to khabarcnter.com | Site By : Sobij
