२०८२ कार्तिक ३० गते आइतवार
२०८२ कार्तिक ३० गते आइतवार
काठमाडौं । युनाइटेड अजोड इन्स्योरेन्सले गत आर्थिक वर्ष २०८२\८३ को पहिलो तीन महिनाको वित्तीय विवरण सार्वजनिक गरेको छ। सार्वजनिक विवरण अनुसार कम्पनीले १५ करोड ११ लाख रुपैयाँ घाटा व्यहोरेको छ।
चालु वर्ष असोजसम्म कम्पनीले ७१ करोड ९ लाख रुपैयाँ कुल बीमाशुल्क आर्जन गरेको छ। अघिल्लो आर्थिक वर्षको सोही अवधिको तुलनामा कम्पनीको कुल बीमाशुल्क आर्जन २२.४५ प्रतिशतले बढेको छ।
कम्पनीले समीक्षा अवधिमा २४ करोड ५५ लाख रुपैयाँ खुद बीमाशुल्क आर्जन गरेको छ। अघिल्लो वर्षको तुलनामा कम्पनीको खुद बीमाशुल्क २७.२१ प्रतिशतले बढेको छ भने कम्पनीको स्पेसल रिजर्भमा १ अर्ब २ करोड ११ लाख रुपैयाँ, महाविपत्ति कोषमा ४ करोड ५१ लाख रुपैयाँ रहेको छ ।
हाल कम्पनीको चुक्तपुँजी २ अर्ब ३१ करोड रुपैयाँ रहेको छ । कम्पनीको प्रतिशेयर आम्दानी २६.१८ रुपैयाँले ऋणात्मक रहेको छ। कम्पनीको प्रतिशेयर नेटवर्थ १६९.४९ रुपैयाँ रहेको छ।
© 2025 All right reserved to khabarcnter.com | Site By : Sobij
