२०८२ मंसिर ११ गते बिहिवार
२०८२ मंसिर ११ गते बिहिवार
काठमाडौं । नेपाल एसबिआई बैंकले गत आर्थिक वर्ष २०८२\८३ को तिन महिनासम्मको वित्तीय विवरण सार्वजनिक गरेको छ। सार्वजनिक गरेको वित्तीय विवरणअनुसार चालु आर्थिक वर्षको पहिलो ३ महिनामा बैंकको नाफा दोहोरो अंकले घटेको छ ।
तीन महिनामा बैंकले ५० करोड १५ लाख रुपैयाँ खुद नाफा कमाएको छ । गत आर्थिक वर्षको तीन महिनामा बैंकले ८१ करोड ४६ लाख रुपैयाँ खुद नाफा आर्जन गरेको थियो ।
बैंकको सञ्चालन मुनाफा १ अर्ब २१ करोड ३० लाख रुपैयाँबाट घटेर ७१ करोड ५७ लाख रुपैयाँमा झरेको छ भने बैंकको खराब कर्जा १.८४ प्रतिशतबाट बढेर ३.०१ प्रतिशत कायम भएको छ।
नाफासँगै बैंकको खुद ब्याज आम्दानी पनि घटेको छ । यस अवधिमा १ अर्ब ३१ करोड ८६ लाख रुपैयाँ आम्दानी गरेको छ। बैंकले १ खर्ब ३८ अर्ब ९७ करोड रुपैयाँ कर्जा प्रवाह गरेको छ ।
हाल बैंकको चुक्ता पूँजी १० अर्ब ८९ करोड ९१ लाख रुपैयाँ रहेको यस बैंकको जगेडा कोषमा १ अर्ब ५० करोड ९८ लाख रुपैयाँ र रिजर्भ कोषमा ८ अर्ब ६४ करोड ३७ लाख रुपैयाँ रहेको छ।
बैंकको प्रतिशेयर आम्दानी पनि २९.९० रुपैयाँबाट घटेर १८.४१ रुपैयाँमा झरेको छ भने प्रतिशेयर नेटवर्थ १९३.१६ रुपैयाँ रहेको छ।
© 2025 All right reserved to khabarcnter.com | Site By : Sobij
