२०८२ आश्विन २७ गते सोमवार
२०८२ आश्विन २७ गते सोमवार
तेल अभिभ । हमासले दुई वर्षअघि कब्जामा लिएका बन्धकहरू सोमबार रिहा हुने भएका छन्। इजरायली सेनाका एक अधिकारीले बन्धक हस्तान्तरणका लागि भइरहेको तयारीबारे जानकारी दिएका छन्।
अधिकारीका अनुसार बन्धकहरूलाई हस्तान्तरण गर्ने प्रक्रिया यस वर्षको सुरुमा भएको कार्यजस्तै रहनेछ। यसका लागि निम्न चार चरणको प्रक्रिया तयार गरिएको छ:
१. रेडक्रसको हस्तान्तरण:
बन्धकहरूलाई इन्टरनेसनल कमिटी अफ द रेड क्रसमार्फत एक विशेष इजरायल डिफेन्स फोर्सेज (आईडीएफ) टोलीलाई हस्तान्तरण गरिनेछ।
२. सैन्य आधारमा पुर्याइने:
उक्त टोलीले बन्धकहरूलाई दक्षिणी इजरायलमा रहेको रेइम सैन्य आधारमा पुर्याउनेछ।
३. पारिवारिक भेटघाट:
परिवारका सदस्यहरू बन्धकहरूको स्वागतका लागि विभिन्न स्वागत केन्द्रहरूमा पर्खिरहेका हुनेछन्।
४. अस्पतालतर्फ:
भेटघाटपछि बन्धकहरूलाई थप उपचारका लागि हेलिकप्टरमार्फत अस्पतालहरूमा लगिनेछ।
ती अधिकारीले भनेका छन्, ‘यदि कसैलाई तत्काल चिकित्सकीय आवश्यकता परेमा, उनीहरूलाई स्वागत केन्द्र (रिसेप्सन कम्पाउन्ड)मा नरोकी सीधै अस्पतालमा पुर्याइनेछ।’
इजरायली जेलबाहिर रेडक्रसका बसहरू
अन्तर्राष्ट्रिय रेडक्रस (आईसीआरसी)का बसहरू इजरायली सैन्य जेल ओफरबाहिर लाइन लागेर बसेका छन् ।
यी बसले इजरायलको कब्जामा रहेका वेष्ट बैंक र र जेरुसेलममा १०८ प्यालेस्टिनी कैदीहरू लिएर जानेछन् । नेगेभको कट्जियोट जेलबाट अरु १४२ प्यालेस्टिनी कैदीहरूलाई रिहा गरिने अपेक्षा गरिएको छ ।
© 2025 All right reserved to khabarcnter.com | Site By : Sobij
