२०८२ भाद्र १३ गते शुक्रवार
२०८२ भाद्र १३ गते शुक्रवार
काठमाडौं । चालु आर्थिक वर्षको पहिलो महिना साउनमा निर्जीवन बीमा कम्पनीहरुले ४ अर्ब माथिको बीमा शुल्क संकलन गरेको छे ।
नेपाल बीमा प्राधिकरणले सार्वजनिक गरेको विवरण अनुसारचालु आर्थिक वर्ष २०८१\८२ को पहिलो साउन महिनाको तथ्याङ्कले यस्तो देखाएको हो ।
साउनमा ठुला निर्जीवन बीमा कम्पनीले ४ अर्ब ३१ करोड ८४ लाख ४४ हजार रुपैयाँ बीमा शुल्क आर्जन गरेको छ भने कम्पनीहरुले २ लाख १५ हजार २८५ वटा बीमालेख बिक्रीबाट सो बराबरको बीमा शुल्क आर्जन गरेको छ ।
साउन महिनामा व्यवसायको आकारका आधारमा सगरमाथा लुम्बिनी इन्स्योरेन्स कम्पनी पहिलो सूचीमा रहेको छ । कम्पनीले एक महिना ४५ करोड ५४ लाख बराबरको व्यापार गरेको छ भने साउनमा २१ हजार १५१ वटा बीमालेख बिक्री गरेको छ ।
यसैगरी सिद्धार्थ प्रिमियर इन्स्योरेन्सले पनि ४१ करोड ७९ लाख ७४ हजार रुपैयाँ बरारबको बीमा शुल्क आर्जन गरेको छ । कम्पनीले पनि एकै महिना २२ हजार ५०३ वटा बीमालेख बिक्री गरेको छ ।
चालु आर्थिक वर्षको साउनमा शिखर इन्स्योरेन्स कम्पनीले ४१ करोड ५५ लाख ११ हजार, ओरियण्टलले ४१ करोड ३७ लाख २३ हजार एनएलजीले ३४ करोड ३१ लाख २० हजार, आइजीआई प्रुडेन्सियलले ३३ करोड ८१ लाख ९० हजार, नेकोको ३२ करोड १ लाख र हिमालयन एभरेष्टले ३६ करोड ५२ लाख ४५ हजार रुपैयाँ बीमा शुल्क आर्जन गरेको छ । यी कम्पनीहरुले साउनमा क्रमशस् ३ हजार ८७९, २१ हजार ७५७, १५ हजार ७५८, १५ हजार ९४३ र २१ हजार ६९३ वटा बीमालेख बिक्री गरेको छे ।
साथै, नेपाल इन्स्योरेन्सले २३ करोड ६ लाख, सानिमा जिआइसीले २२ करोड ३६ लाख, साउनमा युनाईटड अजोडले २९ करोड ६७ लाख, नेपाल इन्स्योरेन्सले २० करोड ७१ लाख, राष्ट्रिय बीमा कम्पनीले १६करोड २७ लाख र प्रभू इन्स्योरेन्सले १२ करोड ७१ लाख रुपैयाँ बराबरको बीमा शुल्क आर्जन गरेको छ।
© 2025 All right reserved to khabarcnter.com | Site By : Sobij
