२०८३ श्रावण २८ गते बिहिवार
२०८३ श्रावण २८ गते बिहिवार
.gif)
काठमाडौं । नेशनल लघुवित्त वित्तीय संस्था लिमिटेडले गत आर्थिक वर्ष २०८१\८२ को चौथो त्रैमाससम्मको अपरिष्कृत वित्तीय विवरण सार्वजनिक गरेको छ।
संस्थाको खुद नाफा १३६.३३ प्रतिशतले बढेको छ । संस्थाले गत आर्थिक वर्षको अन्तिमसम्म ४७ करोड ४० लाख रुपैयाँ नाफा कमाउन सफल भएको छ । यो नाफा अघिल्लो आर्थिक वर्षको तुलनामा शतप्रतिशत भन्दा बढी रहेको छ ।
संस्थाको खुद ब्याज आम्दानी र कमिसन आम्दानी दुबैमा उल्लेख्य सुधार देखिदा नाफामा वृद्धिमा टेवा पुगेको छ । संस्थाको खुद ब्याज आम्दानी ४४.६० प्रतिशतले बढेर १ अर्ब ६१ करोड ५५ लाख रुपैयाँ पुगेको छ भने कमिसन आम्दानी २१.६३ प्रतिशतले बढेर २३ करोड ८९ लाख रुपैयाँ पुगेको छ ।
गत आर्थिक वर्ष संस्थाको निक्षेप संकलन २३.२३ प्रतिशत बढेर ६ अर्ब ४६ करोड ४७ लाख रुपैयाँ पुगेको छ भने कर्जा परिचालन २४ अर्ब २१ करोड ८६ लाख रुपैयाँ पुगेको छ । कम्पनीको खराब कर्जा अनुपात ४.११ प्रतिशत पुगेको छ भने अघिल्लो आर्थिक वर्षमा संस्थाको एनपीएल ३.६९ प्रतिशत रहेको थियो ।
संस्थाको रिटेन्ड अर्निङ ४४ करोड १ लाख ८३ हजार, रिर्जभ फण्डमा १ अर्ब ४९ करोड ६ लाख रुपैयाँ रहेको छ । साथै संस्थाको इपीएस १८.३९ रुपैयाँ बढेर ३५.६० रुपैयाँ पुगेको छ भने प्रतिसेयर नेटवर्थ २४५ रुपैयाँ, मूल्य आम्दानी अनुपात ३९.३३ गुणा र तरलता अनुपात २०.३० प्रतिशत रहेको छ ।
संस्थाको चुक्तापूँजी १ अर्ब ३३ करोड १६ लाख रुपैयाँ रहेको छ । सिडि रेसियो ३८९.२८ प्रतिशत र बेस रेट ११.३२ प्रतिशत रहेको छ । वितरणयोग्य मुनाफा ४४ करोड १ लाख ८३ हजार रुपैयाँ रहेको छ भने लाभांश क्षमता ३३.०५ प्रतिशत रहेको छ ।
© 2026 All right reserved to khabarcnter.com | Site By : Sobij
