२०८२ भाद्र १५ गते आइतवार
२०८२ भाद्र १५ गते आइतवार
काठमाडौं । पाकिस्तानको कब्जामा रहेको कश्मीरको गिलगित क्षेत्रमा बाढीले ठुलो क्षति पुर्याएको छ । आइतबार राति गिलगित बाल्टिस्तानको दान्योर नाला क्षेत्रमा पहिरेमा परेर कम्तीमा सात जनाको मृत्यु भएको छ ।
पहिरोमा परेर अन्य ६ जना घाइते भएका अन्तर्राष्ट्रिय सञ्चार माध्यमले बताएका छन् भने पहिरोमा परेका मानिसहरू क्षतिग्रस्त नहर मर्मत गर्ने काममा संलग्न रहेका थिए ।
स्थानीयको सहयोगमा उद्धार कार्य भइरहेको प्रहरीले बताएका छन् । अस्पतालका अधिकारीहरूले सात जनाको मृत्यु भएको पुष्टि गरेका छन् भने अझै धेरै मानिसहरू भग्नावशेषमा फसेको हुन सक्ने आशङ्का गरिएको छ ।
पाकिस्तानी मिडिया रिपोर्टका अनुसार बाढीले सुरक्षा पर्खाल ध्वस्त भएका छन् । खेतहरू बाढीको पानीले भरिएका छन् भने ५० भन्दा बढी घरहरू खतरामा परेको बताइएको छ ।
© 2025 All right reserved to khabarcnter.com | Site By : Sobij
