२०८२ भाद्र २ गते सोमवार
२०८२ भाद्र २ गते सोमवार
काठमाडौं । एभरेष्ट बैंकले गत आर्थिक वर्ष २०८१\८२ को चौथो त्रैमासको वित्तीय विवरण सार्वजनिक गरेको छ। बैंकले ३८ रुपैयाँसम्म लाभांश बाँड्न सक्ने भएको छ ।
बैंकले आर्थिक वर्षमा गरेको कारोबारमा आधारित वित्तीय विवरणमा वितरणयोग्य नाफा ३८.२७ रुपैयाँ बराबर देखिएको हो । हाल बैंकसँग १२ अर्ब ९४ करोड रुपैयाँ बराबरको चुक्ता पुँजी रहेको छ भने बैंकले यो वर्ष ४ अर्ब ९५ करोड रुपैयाँ बराबरको लाभांश बाँड्न सक्ने देखाएको छ ।
बैंकले यो वर्ष ४ अर्ब ९१ करोड रुपैयाँ खुद नाफा कमाएको छ । तर, नियामकीय समायोजनको रकम रिभर्सलमा रहेका कारण बैंकको वितरणयोग्य नाफामा वृद्धि भएको हो । बैंकले अघिल्लो वर्ष ३ अर्ब ७० करोड नाफा कमाएको थियो । यो वर्ष बैंकको नाफामा ३२.७१ प्रतिशतको वृद्धि देखिएको हो ।
बैंकले यो वर्ष सबै प्रकारका आम्दानी बढाएको छ भने निष्क्रिय कर्जाको हिस्सा घटाएको छ । बैंकमा १३ अर्ब ८८ करोड रुपैयाँ बराबरको रिजर्भ फन्ड रहेको छ । यस अनुसार बैंकको नेटवर्थ प्रतिशेयर २४७.३९ रुपैयाँ रहेको देखिन्छ ।
बैंकसँग १३.२८ प्रतिशतको पुँजीकोष, ०.३८ प्रतिशत बराबरको निष्क्रिय कर्जा अनुपात, ५.३६ प्रतिशत बराबरको आधार दर र १६.४४ प्रतिशत रिटर्न अन इक्विटी रहेको छ ।
कर्मचारी तथा सञ्चालन खर्चमा पनि सामान्य वृद्धि भएको देखिन्छ । बैंकले २ अर्ब ९८ करोड बचत संकलन गरी २ अर्ब १३ करोड कर्जा प्रवाह गरेको छ ।
© 2025 All right reserved to khabarcnter.com | Site By : Sobij
