२०८२ भाद्र १५ गते आइतवार
२०८२ भाद्र १५ गते आइतवार
काठमाडौं । बिहीबार बेपत्ता भएको रुसी विमान दुर्घटनाग्रस्त अवस्थामा फेला परेको छ ।
सुदूरपूर्वी रुसको साइबेरियामा बेपत्ता भएको एन्टोनोभ एन २४ विमान दुर्घटनाग्रस्त भएको फेला परेको हो । विमानको भग्नावशेष टिन्ड्रा शहरबाट १५ किलोमिटरको दूरीमा भेटिएको छ ।
विमानमा ४३ जना यात्रु र ६ जना चालक दलका सदस्य गरी ४९ जना सवार रहेका थिए । हराएको विमान खोज्न गएको हेलिकोप्टरबाट भग्नावशेष फेला परेको हो ।
दुर्घटनामा विमानमा सवार सबैको ज्यान गएको हुनसक्ने आशंका गरिएको छ । सामाजिक सञ्जालमा सार्वजनिक तस्बिरमा उक्त विमान घना जंगलमा दुर्घटना भएको देखिन्छ ।
उक्त विमानले सुदूरपूर्वी रुसको अमूर क्षेत्रको ब्लागोभेस्चेन्स्क शहरबाट टिन्ड्रा शहरका लागि उडान भरेको थियो ।
© 2025 All right reserved to khabarcnter.com | Site By : Sobij
