२०८२ भाद्र १५ गते आइतवार
२०८२ भाद्र १५ गते आइतवार
काठमाडौं । बंगलादेशमा वायुसेनाको विमान विद्यालय भवनमा ठोक्किएर भएको दुर्घटनामा एक जनाको ज्यान गएको छ ।
स्थानीय समयअनुसार सोमबार १ बजेर १८ मिनेट जाँदा राजधानी ढाकाको उत्तरा क्षेत्रमा बंगलादेशी वायुसेनाको एफ ७ लडाकु विमान दुर्घटनामा परेको हो ।उक्त जहाजले वायुसेनाको प्रशिक्षणका लागि उडान भरेको थियो ।
दुर्घटनामा घाइते भएका २० जनालाई उपचारका लागि अस्पताल भर्ना गरिएको छ भने मृतक र घाइतेको पहिचान भने सार्वजनिक भइनसकेको बंगलादेशको प्रोथोम आलो अखबारको अनलाइन संस्करणले जानकारी गराएको छ । घाइतेलाई राष्ट्रिय जलन तथा प्लास्टिक सर्जरी प्रतिष्ठानमा भर्ना गरिएको प्रोथोम आलोले जनाएको छ ।
बंगलादेशको ढाका ट्रिब्युन अनलाइनका अनुसार उक्त विमान माइलस्टोन स्कुल तथा कलेजको भवनमा ठोक्किएको हो । उक्त विमान ठोक्किएको भवनमा स–साना बालबालिका अध्ययन गर्दै आएको ढाका ट्रिब्युनले उल्लेख गरेको छ । घाइते हुनेमा अधिकांश विद्यार्थी रहेका छन् ।
यद्यपि विमान ठोक्किएका बेला भवनमा पठनपाठन भइसकेको दाबी गरिएको छ । विमान ठोक्किएको भवनमा आगलागी भएको छ ।
© 2025 All right reserved to khabarcnter.com | Site By : Sobij
