२०८२ भाद्र १५ गते आइतवार
२०८२ भाद्र १५ गते आइतवार
इस्लामवाद । पाकिस्तानमा प्रहरीहरूले एक पुरुषलाई पक्राउ गरेका छन् । घरमा पालेर राखेको सिंह भागेर बाटोमा हिँडिरहेकी एक महिला र उसको तीन जना सन्तानलाई आक्रमण गरेपछि प्रहरीले लाहोरबाट सिंहको मालिकलाई समातेको हो ।
एउटा सीसीटीभीको फुटेजमा पर्खाल नाघेर सिंह भागेको र सडकमा हिँडिरहेकी महिलालाई आक्रमण गरेको देखिन्छ । यस आक्रमणमा महिला र उनको तीन देखि सात वर्षबिचका सन्तानको पाखुरा र अनुहारमा सामान्य चोटपटक लागेको बताइएको छ । उनीहरूको अवस्था स्थिर रहेको भनिएको छ ।
प्रहरीले सिंहको मालिकलाई अनुमति नलिइकन घरमा सिंह पालेर राखेको अनि बेवास्ता गरेको आरोप लगाएको छ । सिंहलाई समातेर प्रहरीलाई वन्यजन्तु पार्कमा पठाएको छ । पाकिस्तानमा सिंह पाल्नुलाई ठुलै प्रतिष्ठाको रूपमा हेरिन्छ । पाकिस्तानमा कानुन रूपमा सिंह, चितुवा, बाघ आदि पाल्न पाइन्छ ।
दर्ता गरेर प्रति जनावर एक मुष्ट ५० हजार रुपैयाँ बुझाएपछि यस्ता जङ्गली जनावरलाई घरमै पाल्न सकिन्छ । तर यसका लागि सहरको सीमा तोकिएको छ । यो घटनापछि पन्जाबका अधिकारीहरूले गैरकानुनी रूपमा जङ्गली जनावर पालेर राख्नेका घरमा छापा मारेर १३ वटा सिंह जफत गरेका थिए ।
© 2025 All right reserved to khabarcnter.com | Site By : Sobij
