२०८२ भाद्र १५ गते आइतवार
२०८२ भाद्र १५ गते आइतवार
बैंकक । थाइल्याण्डको उत्तराडिट प्रान्तमा एक ८ वर्षीय बालकलाई उनकी लागुऔषध दुर्व्यसनी आमाले वर्षांसम्म बेवास्ता गर्दा उनी कुकुरहरूको शरणमा पुगेका छन् ।
कुकुरहरूसँग धेरै समय बिताएपछि ती बालकले बोल्नुको साटो भुकेर कुराकानी गर्न थालेको अचम्मको घटना सार्वजनिक भएको हो।
फाउन्डेसन फर चिल्ड्रेन एन्ड वुमनकी पाभिना होङ्सकुलले उत्तराडिट प्रान्तको रेिड जोनु (लागुऔषध प्रभावित क्षेत्र) मा रहेका ती बालकको बारेमा थाहा पाएकी थिइन्। ती बालकलाई उनकी आमा र दाइले लामो समयसम्म बेवास्ता गरेका थिए। त्यसपछि ती बालकले कुकुरहरूसँग धेरै समय बिताउन थालेपछि उनीहरूजस्तै व्यवहार गर्न थाले।
यो चिन्ताजनक घटना लाप लाए जिल्लाका एक विद्यालयका प्रथानाध्यापकले होङ्सकुललाई बताएका थिए। प्रधानाध्यापकका अनुसार बालककी आमाले एक पटक मात्रै भत्ता लिनका लागि उनलाई विद्यालय ल्याएकी थिइन्, तर कहिल्यै भर्ना गरिनन्।
बच्चा किन्डरगार्टेनमा पनि गएको थिएन भने आमा तथा दाइले उसलाई भावनात्मक रूपमा बेवास्ता गरेका थिए। उसले आफूले खोजेको माया र ध्यान कुकुरहरूको समूहबाट पाए। त्यसपछि मानिसले जस्तै बोल्नुको सट्टा उसले उनीहरूजस्तै भुक्न थाले।
होङ्सकुलले लाप लाए जिल्लाको स्थानीय प्रहरीसँग समन्वय गरी घटनाको अनुसन्धान गरिन् र उनको जानकारी सही भएको पत्ता लागेपछि स्तब्ध भइन् ।
बालककी ४६ वर्षीया आमा र २३ वर्षीय दाइको परीक्षण गर्दा उनीहरू दुवैको शरीरमा लागुऔषध रहेको पुष्टि भयो । उनीहरू बालकको हेरचाह गर्नुभन्दा आफ्नो अर्को लागुऔषधको डोज कसरी पाउने भन्नेमा बढी चिन्तित थिए।
छिमेकीहरूसँग सोधपुछ गर्दा आमाले नियमित रूपमा पैसा र खाना माग्ने गरेको पत्ता लाग्यो । उनीहरूको लागुऔषध प्रयोगका कारण धेरैजसो मानिसहरू पूरै परिवारलाई बेवास्ता गर्थे।
यसको अर्थ अन्य बच्चाहरू ती महिलाको कान्छो छोरासँग खेल्दैनथे। उनलाई आमा र दाइले समेत बेवास्ता गरेकाले उनले कुकुरहरूको समूहमा शरण लिन पुगे। त्यहाँ ती बालकले कुकुरहरूको व्यवहार, यहाँसम्म कि उनीहरूको भुकाइको पनि नक्कल गर्न थाले।
थाइल्याण्डको अखबार खाओसोदले जनाएअनुसार, गोपनीयताको सुरक्षाका लागि एु नाम मात्र उल्लेख गरिएको ती बालकलाई उत्तराडिट चिल्ड्रेन्स होममा लगिएको छ। त्यहाँ विज्ञहरूले उनलाई मानिसले बोल्ने भाषामा कुराकानी गर्न सिकाउने र उचित शिक्षा दिलाउने सुनिश्चित गर्नेछन्।
© 2025 All right reserved to khabarcnter.com | Site By : Sobij
