२०८२ भाद्र २ गते सोमवार
२०८२ भाद्र २ गते सोमवार
काठमाडौं । सिद्धार्थ बैंकले ऋणपत्र जारी गर्ने भएको छ। बैंकले असार २९ गतेबाट साढे २ अर्ब रुपैयाँ बराबरको ऋणपत्र जारी गर्ने भएको हो । बिक्री प्रबन्धकमा एनएमबि क्यापिटल रहेको छ।
बैंकले ‘एसबीएल डिबेन्चर-२०९१’ नामक ऋणपत्र निष्कासन गर्न लागेको छ। बैंकले १ हजार रुपैयाँ अंकित दरका कुल २५ लाख इकाइ ऋणपत्र बिक्री गर्ने भएको छ।
जसमा १५ लाख इकाइ व्यक्तिगत तबरबाट बिक्री हुनेछ भने बाँकी १० लाख इकाईको सार्वजनिक निष्कासन गर्न लागिएको छ। सर्वसाधारणले उक्त ऋणपत्रमा न्यूनतम २५ कित्ता र अधिकतममा सम्पूर्ण कित्ताका लागि खरिद आवेदन दिन सक्ने छन्।
लगानीकर्ताले नेपाल धितोपत्र बोर्डबाट अनुमति प्राप्त आस्वा सेवामा सहभागी बैंक तथा वित्तीय संस्था र सीडीएससीको मेरो शेयरबाट खरिद आवेदन दिन सक्ने छन्। उक्त ऋणपत्रको निष्कासन बन्द छिटोमा असार ३२ गते र ढिलोमा साउन ११ गते बैंकिङ समयपछि हुने भएको छ। १० वर्ष अवधिको यो ऋणपत्रमा लगानीकर्ताले वार्षिक ७।५ प्रतिशत ब्याज पाउने छन्।
© 2025 All right reserved to khabarcnter.com | Site By : Sobij
