Logo

२०८२ भाद्र १४ गते शनिवार

२०८२ भाद्र १४ गते शनिवार

अभिनेत्री दियाले आरोहण गरिन् युरोपको सबैभन्दा अग्लो शिखर

अभिनेत्री दियाले आरोहण गरिन् युरोपको सबैभन्दा अग्लो शिखर


  • 2.3K
    Shares

    अभिनेत्री दियाले आरोहण गरिन् युरोपको सबैभन्दा अग्लो शिखर
    images

    काठमाडौं । अभिनेत्री तथा पर्वतारोही दीया पुनले युरोपको सबैभन्दा अग्लो शिखर माउन्ट एल्ब्रुस (५,६४२ मिटर) को सफलतापूर्वक आरोहण गरेकी छिन् ।

    अभिनेत्री पुन मंगलवार अर्थात जुन १० का दिन बिहानमा टेजन गुरुङ (एलिट एक्सपेडिसन) तथा रसियन गाइड लिउन अताबिएभ र एड्गरसँगै उक्त शिखरमा पुगेकी हुन् । यो अभियान एलिट एक्सपेडिसन प्रालिले आयोजना गरेको थियो ।

    यो उपलब्धिसँगै दीयाले सेभेन समिट्स चुनौती अन्तर्गत सात महादेशका सबैभन्दा अग्ला शिखरहरू चढ्ने आफ्नो महत्त्वाकांक्षी लक्ष्यलाई अघि बढाएकी छिन् ।

    अहिलेसम्म पुनले सात मध्ये चार शिखर सफलतापूर्वक आरोहण गरिसकेकी छन्, ती हुन् माउन्ट एभरेष्ट (एशिया), किलिमन्जारो (अफ्रिका), अकोंकागुवा (दक्षिण अमेरिका), र अहिले माउन्ट एल्ब्रुस (युरोप) । उनका आगामी लक्ष्यमा कार्स्टेन्स पिरामिड (ओसियानिया), डेनाली (उत्तर अमेरिका) र माउन्ट विन्सन (अन्टार्कटिका) समावेश छन् ।

    दीया पुनले आरोहणका क्रममा आफू अभिनित प्रदर्शनको तयारीमा रहेको नेपाली फिल्म ‘एक्लो’ को पोस्टर तथा नेपालको झण्डा आफूसंगै लगेकी थिइन् । प्रदीप शाहीको निर्देशनका बनेको फिल्म ‘एक्लो’ अहिले चर्चामा छ ।

    केहि हप्ता अघिमात्र ‘एक्लो’ ले कान्स फिल्म फेस्टिभलमा स्टल राखेर यो फिल्मको मार्केटिङ गरेको थियो । उक्त सहभागितापछि फिल्मको अन्तर्राष्ट्रियस्तरमै चर्चा चुलिएको निर्माण कम्पनीको दावी छ ।

    प्रकाशित मिति :जेठ २८ २०८२ बुधवार - १४:४४:१० बजे
    प्रतिक्रिया

    खबरसेन्टर

    Admin Of Khabar Center.

    सम्बन्धित समाचार

    © 2025 All right reserved to khabarcnter.com | Site By : Sobij