२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । शुक्रबारबाट प्रदर्शनमा आएको फिल्म ‘जन्ते बाख्रो’ ले दर्शकबाट राम्रो प्रतिक्रिया पाएको छ । फिल्मको निर्माण टिमले कलाकारसहित शुक्रबार र शनिबार हल हलमा पुगेर दर्शक प्रतिक्रिया लिएका हुन् । हलमा दर्शकको राम्रो चाप समेत देखिएको निर्माण युनिटले जनाएको छ ।
अभिनेताद्धय सौगात मल्ल, आशिफ शाह र गरिमा शर्मा दर्शकसँग साक्षात्कार गर्न हल हल पुगिरहेका छन् । शो क्रममा कलाकारसँग सेल्फी खिच्न दर्शकको तछाड मछाड नै चल्ने गरेको छ । दर्शकले कलाकारको अभिनय तारिफ समेत गरेको अभिनेता सौगात मल्ले बताए ।
सिमोस सुनुवार निर्देशित फिल्म सन्तोष गौतमले बनाएका हुन् । ‘हामीले फिल्म राम्रो बनाएको प्रतिक्रिया पाएका छौँ ’, निर्माता गौतमले भने, ‘हामीले इमानदारिताका साथ विना फिल्म बनाएको फल हो यो ।’
प्रदीप भारद्वाजको लेखनमा तयार भएको फिल्ममा अभिनेता सौगात, आशिफ र गरिमाको अलवा रमा थपलिया, लोकेन्द्र लेखक, कमल देवकोटा, विशाल पहाडी, रुशा न्यौपाने, कुसुम शर्मा, स्नेहा जोशी, समापिका गौतमलगायत कलाकारको अभिनय रहेको छ ।
‘जन्ते बाख्रो’ ले गाउँघरको हराउँदै गएको जन्ती परम्परा, टपरी–दुनामा भोज खाने संस्कृति र ग्रामीण चाल चलनलाई रमाइलो ढङ्गले प्रस्तुत गरेको छ । मुईन इन्टरटेनमेन्टद्वारा निर्मित यो फिल्मको कथा प्रदीप, उत्तम हुमागाईंको छायाङ्कन र सुनिल शिव भक्तिको सम्पादन छ ।
© 2025 All right reserved to khabarcnter.com | Site By : Sobij
