२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । नागरिक लगानी कोषले चालु आर्थिक वर्ष २०८१/८२ को तेस्रो त्रैमाससम्मको विक्तिय विवरण सार्वजनिक गरेको छ । कोषले सार्वजनिक गरेको वित्तीय विवरणअनुसार गत वर्षको तुलनामा नाफा १.८८ प्रतिशतले बढेको रहेको छ।
नाफा बढेपनि कोषको प्रतिसेयर आम्दानी भने घटेको छ। गत वर्षको सोही अवधिमा २२ रुपैयाँ १४ पैसा रहेको ईपीएस यो वर्ष ३ रुपैयाँ ६५ पैसा घटेर १८ रुपैयाँ ४९ पैसामा आएको छ।
कोषको प्रतिसेयर नेटवर्थ १४७ रुपैयाँ ४५ पैसा पुगेको छ भने मूल्य-आम्दानी अनुपात १०५.१४ गुणा रहेको छ। कोषको ब्याज आम्दानी ३२.०३ प्रतिशतले घटेको छ । कोषको चुक्ता पूँजी ६ अर्ब ४८ करोड १७ लाख रुपैयाँ रहेको छ ।
कोषको जगेडा कोषमा ३ खर्ब ७२ करोड रुपैयाँभन्दा बढी सञ्चित रहेको छ भने सेवा शुल्क तथा कमिशनबाट आम्दानी १५.०६ प्रतिशतले बढेको छ।
कुल आम्दानी ८.२३ प्रतिशतले वृद्धि हुँदा कुल खर्चमा भने ३९.३६ प्रतिशतको वृद्धि भएको छ।
© 2025 All right reserved to khabarcnter.com | Site By : Sobij
