२०८२ भाद्र २ गते सोमवार
२०८२ भाद्र २ गते सोमवार
काठमाडौं । राष्ट्रिय वाणिज्य बैंक लिमिटेडको ऋणपत्रमा आवेदन दिने म्याद थप गरिएको छ। बैंकले वैशाख ७ गतेदेखि निष्कासन तथा बिक्री खुला गरेको ऋणपत्रमा अब वैशाख २१ गतेसम्म आवेदन दिन सकिने भएको छ।
बैंकले २ अर्ब ५० करोड बराबरको ऋणपत्र बिक्री गर्ने राखेको छ । धितोपत्र बिक्री प्रबन्धक सानिमा क्यापिटल रहेको छ ।
कूल २५ लाख कित्ता ऋणपत्र निष्काशन गर्न नेपाल धितोपत्र बोर्डबाट बैंकले अनुमती पाएको छ । ऋणपत्रमा लगानी गर्नेले वार्षिक रुपमा सात प्रतिशत बराबर व्याजदर प्राप्त गर्ने छन् । अङ्कित मूल्य १ हजार दरको ऋणपत्रमा लगानीकर्ताले कूल २५ कित्तादेखि बिक्री गर्न लागिएको सम्पूर्ण कित्तामा नै आवेदन दिन सक्ने छ । उक्क्त ऋणपत्र आगामी वैशाख १० गते नभए वैशाख २१ गतेसम्म रहने छ ।
दुई अर्ब ५० करोड बराबरको कूल निष्काशन मध्ये ६० प्रतिशतले हुन आउने एक अर्ब ५० करोड मूल्य बराबरको १५ लाख कित्ता व्यक्तिगत प्रयोजनको लागि छुट्याइने बैंकले जानकारी दिएको छ ।
४० प्रतिशतले हुने एक अर्ब बराबरको १० लाख कित्ता सर्वसाधारणका लागि निष्काशन हुने छ भने ५० हजार कित्ता सामूहिक लगानी कोषको लागि छुट्याइएको र कूल ९ लाख ५० हजार कित्तामा सर्वसाधारणले लगानी गर्न पाउने व्यवस्था भएको बैंकले जानकारी दिएको छ ।
© 2025 All right reserved to khabarcnter.com | Site By : Sobij
