२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । अभिनेत्री अरुणिमा लम्साल अमेरिका उडेकी छन् । श्रीमान् युवराज श्रेष्ठसँग सम्बन्ध विच्छेदको विषय चर्चा आएपछि उनी मङ्गलवार नै सुटुक्क अमेरिका उडेकी हुन् ।
केही दिन अगाडि केही युट्युबमा अन्तर्वार्ताको क्रममा उनले श्रीमान् युवराज श्रेष्ठविरुद्ध अदालतमा सम्बन्ध विच्छेदको मुद्दा दायर गरेको बताएकी थिइन् । उक्त विषयलाई लिएर उनीमाथि सकारात्मक नकारात्मक टिप्पणी हुन थालेपछि उनी अमेरिका उडेकी हुन् ।
त्यसो त अरुणिमाको सम्बन्ध विच्छेद हुन लागेको कुरा नौलो होइन । उनको सम्बन्ध विच्छेद हुन लागेको कुरा केहि महिना अगाडि नै चर्चाको विषय बनेको थियो । तर अहिले अरुणिमा आफैँले यो विषयमा मुख खोलेकी छिन् ।
२०८१ सालको भदौ ३ गते राम मन्दिरमा युवराजसंग धार्मिक विधिअनुसार विवाह गरेकी अरुणिमाले श्रीमान् श्रेष्ठले आफूलाई बारम्बार झुठो बोल्दै आएको र आफूसंग विवाह गर्नुको एक मात्र उद्देश्य अमेरिका जानु भएको भन्दै सम्बन्ध विच्छेद गर्न लागेको बताएकी छिन् ।
यसका साथै उनले विभिन्न सन्चार माध्यममा दिएको अन्वतर्वार्तामा युराजसंग विवाह भएता पनि शारीरिक सम्बन्ध नराखेको समेत अभिव्यक्ति दिएकी छिन् । उनले ‘विवाहपछि मूलघरमा भित्र्याउनु पर्छ र मुलघरमा वैशाखमा मात्र भित्र्याउन मिल्ने भएकोले घरमा नभित्रिनै म अमेरिका उडेँ’ भनेकी छिन् । त्यति बेला युवराजको अप्लाइ गर्नुपर्छ भनेर खाली कागजी रुपमा मात्रै विवाह गरेको हो ।
अरुणिमाले दिएको उक्त अभिव्यक्तिमाथि आलोचना भइरहेको छ । उनले बोलेको उक्त कुरालाई लिएर सामाजिक सन्जालमा अनेक टिका टिप्पणी भइरहेको छ । उनले श्रीमान् र आफ्नो सम्बन्धको यो स्तरसम्मको कुरा गरेको भन्दै सामाजिक सन्जालमा आलोचना भएको हो ।
धेरैले अरुणिमाको उक्त अभिव्यक्तिले उनी कुन स्तरमा छिन् भन्ने कुरा थाहा भएको प्रतिक्रिया दिएका छन् । केहीले भने यस्तो सोच राख्ने महिलाको विवाह कसरी टिक्छ भनेर प्रश्न समेत गरेका छन् ।
© 2025 All right reserved to khabarcnter.com | Site By : Sobij
