२०८२ भाद्र १४ गते शनिवार
२०८२ भाद्र १४ गते शनिवार
अभिनेत्री अरुणिमा लम्सालले पति युवराज श्रेष्ठविरुद्ध सम्बन्धविच्छेदको मुद्दा दायर गरेकी छन् । उनले पछिल्लो एक अन्तर्वार्तामा उक्त कुरा सार्वजनिक रूपमा स्वीकारेकी हुन् ।
उनका अनुसार सम्बन्धविच्छेदको मुद्दा दायर गरेको ७–८ महिना भइसकेको छ । तर, युवराजले सहमति दिएका छैनन् । ‘झुटो मान्छेसँग जीवन बिताउनुभन्दा सिङ्गल बस्छु भनेर निर्णय गरेकी हुँ,’ उनले भनिन् ।
अरुणिमाले पाँच महिनादेखि युवराजसँग कुनै सम्पर्क नभएको र विवाहको उद्देश्य युवराजको अमेरिका जाने चाहना मात्रै रहेको आरोपसमेत लगाएकी छन् ।
३ भदौ २०८१ मा राम मन्दिरमा विवाह गरेका उनीहरूले कानुनी विवाह पनि सुनसरी जिल्ला अदालतमा गरेका थिए । विवाहपछि अरुणिमा तत्काल अमेरिका फर्किएकी थिइन् । उनी अहिलेसम्म युवराजको मूल घर पनि नगएको बताउँछिन् । युवराजले भने अहिलेसम्म यस विषयमा कुनै प्रतिक्रिया दिएका छैनन् ।
© 2025 All right reserved to khabarcnter.com | Site By : Sobij
