२०८२ भाद्र १४ गते शनिवार
२०८२ भाद्र १४ गते शनिवार
दुबई । यूनाईटेड अरब ईमिरेट्स (यूएई) मा नेपाल महोत्सव (फेस्टिवल) २०२५ हुने भएको छ ।
नेपाली कला, संस्कृति, खेलकुद, पर्यटन, व्यापार तथा नेपाली पहिचानको उत्सव मनाउने अभिप्रायले अप्रिल २० तारिक का दिन दुबईको कृक पार्कमा नेपाल महोत्सव आयोजना गरिएको एनआरएनए अध्यक्ष बिकाश शाहीले बताए ।
कार्यक्रम नेपाली राजदूतावास आबुधाबीको संरक्षकत्व तथा नेपाल एसोसिएसन एनआरएनएको संयोजकत्वमा नेपाली समाज, नेपाल विजनेश काउन्सिल, सम्पूर्ण बैचारिक संगठनहरु, नेपाल आदीवासी जनजाति महासंघ, नेपाल पत्रकार महासंघ तथा तथा यूएईमा कृयाशिल सम्पूर्ण संघ संस्थाहरुको संयूक्त आयोजनामा हुन गइरहेको हो ।
कार्यक्रममा भाग लिन पर्यटन मन्त्री बद्री पाण्डे दुबई आउने भएका छन् ।
यस महोत्सवले नेपाल र यूएईबीचको सांस्कृतिक सम्बन्धलाई अझ मजबुत बनाउनुका साथै नेपाली समुदाय बिच आपसी एकता, सहयोग, र परम्परागत पहिचानको उत्सवको रुपमा मनाउने अवसर प्रदान गर्ने एनआरएनए यूएईका अध्यक्ष शाहीले बताएका छन् ।
नेपाल फेस्टिवलमा बृहत संख्यामा विश्वभरी छरिएर रहेका नेपालीभाषी तथा नेपाली कला संस्कृतिलाई माया गर्ने व्यक्ति विशेषहरुको सहभागिता रहने आयोजकको दावी छ ।
महोत्सवमा नेपालीहरुको जातीय, वर्गीय, सम्प्रादय तथा क्षेत्रीय (तराई, पहाड, हिमाल) को मौलिक संस्कृतिको प्रदर्शन तथा प्रर्वद्धन गरिनेछ । विभिन्न विधामा दिग्गज व्यक्तित्वहरुसंग प्रत्यक्ष साक्षत्कार गर्ने, नेपाल तथा यूएईमा प्रख्यात कलाकारहरुको साँस्कृतिक तथा सांगितिक प्रस्तुती लगायत बिभिन्न कार्यक्रमहरु रहेको आयोजकले जनाएको छ । यस अवधिमा भलिबल लगायतका विभिन्न खेलकुद प्रतियोगिताहरु सम्पन्न हुनेछन् ।
महोत्सवमा विभिन्न प्रकारका ५० भन्दा बढी व्यापारिक प्रदर्शनी स्टलहरू रहने आयोजकले बताएको छ ।
© 2025 All right reserved to khabarcnter.com | Site By : Sobij
