२०८२ भाद्र २२ गते आइतवार
२०८२ भाद्र २२ गते आइतवार
काठमाडौं । भारतको उत्तर प्रदेश राज्यस्थित कानपुरमा एउटा अनौठो घटना प्रकाशमा आएको छ । मंगलबार कानपुर क्लब रोडमा ‘मर्निङ वाक’ का क्रममा रवि शंकर अग्रवाललाई मौरीको झुण्डले हमला गरेको थियो ।
आसपासमा रहेका मानिसहरू मौरीबाट बच्न भागाभाग गरेका थिए । रविशंकर भाग्ने प्रयास गर्दागर्दै लडे । केहीबेर उनले हातखुट्टा चलाइरहेका थिए । लगत्तै उनी बेहोस भए ।
केही समयपछि उनलाई त्यहाँबाट उद्धार गरी अस्पताल लगिएको थियो । तर चिकित्सकले उनको मृत्यु भइसकेको घोषणा गरे । मौरीकै हमलाबाट उनको मृत्यु भएको हो वा हृदयघात लगायतका कारणबाट भएको हो भन्ने खुल्न सकेको छैन ।
केन्ट थाना क्षेत्रस्थित पेपर मार्केट निवासी सुधीर अग्रवाल मृतक रवि शंकरका भाइ हुन् । सुधीरका अनुसार उनका दाजुले फलामे तार बनाउने कारोबार गर्दै आएका थिए । रवि शंकर अग्रवाल कैयौँ वर्षदेखि सो क्षेत्रमा ‘मर्निङ वाक’का लागि जाने गर्दथे ।
© 2025 All right reserved to khabarcnter.com | Site By : Sobij
