२०८२ भाद्र ८ गते आइतवार
२०८२ भाद्र ८ गते आइतवार
काठमाडौं । सिटिजन्स बैंक इन्टरनेशनलले नेपालमै पहिलो पटक मोबाइल बैंकिङ एपबाटै शेयर भर्न सकिने सुविधा ल्याएको छ ।
सिटिजन्स बैंकले मोबाइल बैंकिङ एपबाट नै सी–आस्बा तथा सीआरएनको सुविधा उपलब्ध गराइरहेको छ । एप प्रयोगकर्ताहरूले शेयर भर्नका लागि छुट्टै माध्यमको प्रयोग गर्नु नपर्ने भएको छ । आफ्ना ग्राहकहरूलाई शेयर कारोबारमा थप सहज बनाउनका लागि बैंकले यस्तो सुविधा ल्याएको छ। बैंकको ग्राहकहरूले मोबाइल बैंकिङमार्फत नै आईपीओ, एफपीओ, राइट शेयरमा आवेदन दिन सक्ने व्यवस्था गरिएको छ ।
शेयर भर्नको लागि डिम्याट खाता, मेरो शेयर खाता र बैंकमा खाता खोलेको हुनुपर्ने छ। डिम्याट खाता र मेरो शेयर खाता जुनसुकै स्थानबाट खोलेको भएपनि यसबाट भर्न मिल्ने सुविधा ल्याएको छ । खाता नै खोलिएको छैन भने बैंकबाटै खोलेर पनि भर्न सकिने व्यवस्था छ ।
शेयर भर्नका लागि ग्राहकले सबैभन्दा पहिले सिटिजन्स बैंकको मोबाइल बैंकिङमा रहेको माईआस्बामा जानु पर्ने हुन्छ, माईआस्बामा सीआरएन नम्बर रजिस्ट्रेसन वा लिंक गर्नुपर्ने हुन्छ । रजिस्ट्रेसन गरिसकेपछि त्यहाँबाट जुन कम्पनीको शेयर खुलेको छ त्यसमा आवेदन दिन सकिने व्यवस्था रहेको बैंकले जानकारी दिएको छ । शेयर अप्लाइ गरेको केहीबेरमै अप्लाइ भए र नभएको जानकारी समेत प्राप्त गर्न सकिने छ ।
© 2025 All right reserved to khabarcnter.com | Site By : Sobij
