२०८२ आश्विन २८ गते मंगलवार
२०८२ आश्विन २८ गते मंगलवार
काठमाडौं । प्रमुख प्रतिपक्षी दलका नेता पुष्पकमल दाहाल 'प्रचण्ड'ले प्रधानमन्त्रीले प्रतिपक्षीमाथि उठाएका प्रश्नको जवाफ दिएका छन् ।
प्रधानमन्त्री ओलीले चालु हिउँदे अधिवेशनको पहिलो बैठकमा माघ १८ मा सरकार ढलोस् भनेर कामना गर्नेले धेरै कामना नगर्दा हुने बताएका थिए । उनले 'म त ढलेँ ढलेँ' गीत स्मरण गर्दै त्यस्तै 'सधैँ ढल्यो ढल्यो' भन्ने अत्मरतिमा नरमाउन आग्रह गरेका थिए ।
जवाफमा प्रचण्डले आफूले सरकार ढाल्ने बताएको जिकिर गरे । “प्रधानमन्त्रीजीले यही सदनमा ढलेँ ढलेँ गीत गाउनुभयो । तर, सरकार ढल्दैन भने हरेक दिन यो सरकार कहिलेसम्म चल्छ र त्यसपछि शेरबहादुरजीलाई दिन्छु किन भन्नुपर्यो?,” प्रश्न गर्दै प्रचण्डले भने, “मैले यो गठबन्धन प्राकृतिक छैन भनेको छु । मैले सरकार ढाल्छु भनेको त छैन नि, यो सरकार ढल्छ भनेको हुँ ।”
उनले देउवाका आँखा र कान तगडा रहेको भन्दै आफ्नो डरको ढाल देउवालाई नबनाउन पनि प्रधानमन्त्री ओलीलाई आग्रह गरे ।
“शेरबहादुरजीका कान र आँखा तगडा छन्, धेरैपटक भनिरहनुपर्दैन,” प्रचण्डले भने, “उहाँ राम्रोसँग सुन्न र बुझ्न सक्नुहुन्छ ।”
© 2025 All right reserved to khabarcnter.com | Site By : Sobij
