२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । नेपाल बीमा प्राधिकरणको कोषमा रहेको करिब नौ अर्ब रुपैयाँ मध्ये करिब पाँच अर्ब रुपैयाँ नेपाल सरकार अर्थमन्त्रालयको सरकारी खातामा पठाउने तयारी सुरु भएको छ ।
प्राधिकरणले नियमन शुल्क बापत उठाएको ठूलो रकम खातामा रहेको छ । प्राधिकरणबाट करिब पाँच अर्बरुपैयाँ सरकारी कोषमा दाखिला गर्ने प्रक्रिया अघि बढाइएको हो ।
दुई सरकारी बीमा कम्पनी राष्ट्रिय जीवन बीमा कम्पनी र राष्ट्रिय बीमा कम्पनीको चुक्ता पुँजिको अभावमा तड्पिरहेको अवस्थामा बीमा प्राधिकरणको कोषमा जम्मा भएको रकम अर्थमन्त्रालयमार्फत उल्लेखित दुई कम्पनीको चुक्ता पुँजि थप गर्न प्रयोग गर्ने सम्बन्धमा पहल सुरु भएको छ ।
प्राधिकरणले तोकेको चुक्ता पुँजि पुर्याउन नसक्दा दुई बीमा कम्पनीहरु भ्रष्टाचारको दलदलमा फसेर अडिट नै गर्न नसक्ने अवस्थाबाट गुज्रिरहेका छन् ।
© 2025 All right reserved to khabarcnter.com | Site By : Sobij
