२०८२ भाद्र १४ गते शनिवार
चलचित्र ‘लाज शरणम्’ को नयाँ पोस्टर शुक्रबार सार्वजनिक भएको छ । पोस्टरले चलचित्रका पात्र र उनीहरूको चरित्रलाई देखाएको छ । पोस्टरमा चलचित्रका मुख्य कलाकार मुकुन्द श्रेष्ठ, महेश त्रिपाठी, विजय बराल, अर्पण थापा र कमलमणि नेपाललाई प्रस्तुत गरिएको छ । पोस्टरमा देखिनुभएका अभिनेता सीताराम कट्टेल धुर्मुसको गेटअपले यतिबेला चर्चा कमाएको छ । नेताको भूमिकामा देखिनुभएका कट्टेललाई दौरासुरुवाल र ज्वारीकोटमा देखाइएको छ । ‘लाज शरणम्’ हास्य टेलिशृङ्खला ‘सक्किगोनी’ समूहले निर्माण गरेको हो । अर्जुन घिमिरे, सागर लम्साल , हरिष निरौला, प्रियाना आचार्य लगायतका कलाकारले अभिनय गरेका छन् । चलचित्रको निर्देशन कुमार कट्टेल ‘जिग्री ब्रो’ ले गर्नुभएको छ । जेपिटी क्रियसनको ब्यानरमा निर्माण भएको चलचित्रमा नवीन श्रेष्ठ निर्माता, राम नरेश शाह र सिर्जना खड्का सहनिर्माताका रूपमा रहनुभएको छ । चलचित्र फागुन १४ गते महाशिवरात्रिको दिन प्रदर्शन हुने भएको छ ।
© 2025 All right reserved to khabarcnter.com | Site By : Sobij