Logo

२०८२ भाद्र १४ गते शनिवार

२०८२ भाद्र १४ गते शनिवार

बेलायत बस्दै आएका दीप गिरीले ल्याए "मनखाने माया"

बेलायत बस्दै आएका दीप गिरीले ल्याए "मनखाने माया"


  • 8.4K
    Shares

    बेलायत बस्दै आएका दीप गिरीले ल्याए "मनखाने माया"
    images

    बेलायतमा बस्दै आएका गीतकार दीप गिरीले "मनखाने माया" बोलको गीतको म्यूजिक भिडियो युट्युव मार्फत सार्वजनिक गरेका छन् ।

    यस गीतमा नेपाल आइडलका तेश्रो रनर अप गायक किरण भुजेल र अस्मिता अधिकारीको स्वर रहेको छ ।  नेपालको राष्ट्रव्यापी आधुनिक गीत प्रतियोगिता २०७७ मा उत्कृष्ट संगीतकारको पुरस्कार विजेता शंकर थापा ‘स्माइल’ले  उक्त गीतमा संगीत भरेका छन् । गीतमा संगीत संयोजन विश्व अधिकारीले गरेका छन् ।

    गीतको म्यूजिक भिडियो गणेश शाहको निर्देशन र रोनीको कोरियोग्राफी रहेको म्यूजिक  भिडियोमा डिमोन क्षेत्री, रोनी, श्रृजना जिसी, स्मृति श्रेष्ठ लगायतका कलाकारको मुख्य अभिनय छ । म्यूजिक भिडियोको निर्मात्री सविता गिरी छन् । दर्शक तथा स्रोतहरुलाई नाच्न  उत्साहित गर्ने खालको म्यूजिक भिडियो बनेको गीतकार गिरीले बताए ।

    वि. सं. २०४९ सालमा संगीतकार राजु सिंहसँगै प्रतिविम्ब ब्यान्डमा जोडिएपछि उनले आफ्नो सांगीतिक यात्रा शुरु गरेका थिए । अहिलेसम्म उनको रचनामा कर्ण दास, साधना सरगम, जोन, धनुषा सिंह, योजना पुरी, राज खम्बु लगायतका चर्चित गायक गायिकाले आवाज दिइसकेका छन् ।

    संगीतकार हरि लम्सालको संगीत र बेलायतस्थित गायक सुजन पराजुली र गायिका दिब्यानी शर्माको स्वरमा गिरीकै रचनाको अर्को नयाँ गीत रेकर्ड भइसकेको छ ।

    लामो समयदेखि बेलायतमा बस्दै आएका गीतकार गिरीले लेखेका आधा दर्जन गीतहरू यसअघि नै रिलिज भइसकेका छन् ।

    प्रकाशित मिति :चैत्र २९ २०७७ आइतवार - ११:५६:११ बजे
    प्रतिक्रिया

    खबरसेन्टर

    Admin Of Khabar Center.

    सम्बन्धित समाचार

    © 2025 All right reserved to khabarcnter.com | Site By : Sobij