काठमाडौं । भारतीय गायक सोनु निगम सांगीतिक क्षेत्रको लोकप्रिय नाम हो । गायक सोनु निगमले केही लोकप्रिय नेपाली गीतहरुमा समेत आफ्नो कर्णप्रिय गीत गाएका छन् । त्यसो त नेपाली गीत गाउनुभन्दा अघिदेखि नै लाखौं नेपाली स्रोताको बस्न सफल भएका यी हेण्डसम गायकले विश्वका अधिकांश देशहरुमा पुगेर आफ्ना लोकप्रिय गीतहरु प्रस्तुत गरिसकेका छन् ।

हलिउडदेखि बलिउडसम्मका लोकप्रिय कलाकारहरुले नेपालमा आफ्नो सफल प्रस्तुति दिइसक्दासमेत गायक सोनु निगमले भने अहिलेसम्म नेपाली दर्शक तथा स्रोतामाझ उभिएर आफूलाई प्रस्तुत गर्ने अवसर पाएका थिएनन् ।

यद्यपि, अस्ट्रेलियामा पछिल्लो डेढ दशकदेखि अन्तर्राष्ट्रिय स्तरका विभिन्न सांगीतिक कार्यक्रम आयोजना गरेर चर्चामा आएको संस्था नेपाली टच अस्ट्रेलियाका संस्थापक तथा संगीतकर्मी राज के गोस्वामीले नेपालमा नेपाली टच नेपाल संस्थामार्फत उनै लोकप्रिय गायक सोनु निगमलाई पहिलो पटक काठमाडौंमा आयोजना हुने एउटा भव्य कन्सर्टमा प्रस्तुत गर्ने सम्पूर्ण तयारी पूरा गरेकाको बताएका छन् । नेपाली टच नेपालले यसअघि सांगीतिक समुह नेपथ्यलाई झापाको दमकमा प्रस्तुत गरेर नेपालको कार्यक्रमको थालनी गरेको थियो ।

कलाकर्मीसंग को पछिल्लो भेटमा आयोजक संस्थाका प्रमुख गायक गोस्वामीले यही पुस १० गते बुधवार अर्थात डिसेम्बर २५क्रिसमस डेको अवसर पारेर आयोजना गर्न लागिएको ‘सोनु निगम लाइभ इन नेपाल’ शीर्षकको सांगीतिक कार्यक्रमको सम्पूर्ण तयारी पूरा भैसकेको बताएका छन् ।

गोस्वामीका अनुसार अष्ट्रेलियामा कार्यक्रम गर्दै आइएकोमा नेपालमा पनि अन्तर्राष्ट्रिय स्तरको कार्यक्रम आयोजना गर्ने योजना अनुसार सानेु निगमलाई पहिलो पटक नेपालमा ल्याउने निर्णय गरिएको बताएका छन् । आफ्नो संस्थाले विगत १४–१५ वर्षदेखि अष्ट्रेलियामा विभिन्न कार्यक्रम आयोजना गरिरहेकामा आफ्नै देशमा किन इभेन्टहरु नगर्ने भनेर नेपालमा एउटा इभेन्ट गर्ने कोशिस गरिएको बताउँदै गोस्वामी भन्छन्– ‘हामीले एउटा कार्यक्रम गरायौं भने नेपालसँग अन्तर्राष्ट्रिय कलाकारलाई जोड्ने माध्यम बन्छ । नेपालसँग बलिउडको कला–संस्कृतिलाई जोड्ने यो महत्वपूर्ण माध्यम हुनेछ । यसले नेपाली पर्यटनमा पनि सहयोग गर्ने आशा हामीले राखेका छौं ।’

यो कार्यक्रमलाई भव्य रुपमा सम्पन्न गर्नका लागि आयोजक गोस्वामीले करिव छ महिनादेखि कडा परिश्रम गरिरहेका छन् । गत असोजको तेस्रो सातादेखि नै टिकट बिक्री प्रारम्भ भएको यो कार्यक्रका लागि पुस ३ गते बुधवारसम्ममा करिव ७० प्रतित टिकट विक्री भैसकेको उनको भनाइ छ । बौद्धस्थित ह्यात होटलको खुला चौरमा चुस्त व्यवस्थापनका बीच आयोजना हुने कन्सर्टको अन्तिम तयारी करिव पूरा भैसकेको गोस्वामी बताउँछन् ।

कार्यक्रममा सहभागिता जनाउने दर्शकले इसेवामार्फत कार्य कार्यक्रमको टिकट किनिरहेका छन् भने अझै पनि केही टिकहरु उपलब्ध रहेको उनको भनाइ छ । कार्यक्रमका लागि चार प्रकारका टिकटको व्यवस्था गरिएको छ ।

कार्यक्रमका लागि साँझ ४ बजेपछि दर्शकका लागि प्रवेश खुला गरिने छ । सञ्जय गुप्ताले सञ्चालन गर्ने उक्त कार्यक्रममा गायक सोनु निगमले लगातार तीन घण्टाभन्दा बढी अवधिमा आफ्ना दर्जनौं लोकप्रिय गीतहरु प्रस्तुत गर्नेछन् । कार्यक्रममा उनले ‘उकाली ओराली गर्दै।।।’ सहितका आफ्ना नेपाली गीतहरुलाई विशेष प्राथमिका साथ प्रस्तुत गर्नेछन ।

‘नेपालको आफ्नो पहिलो इभेन्टका लागि गायक सोनु निगम पनि एकदमै उत्साहित हुनु हुन्छ, आयोजक गोस्वामीका अनुसार गायक निगम पछिल्ला केही दिनदेखि आफ्नो ब्याण्डसंग हाम्रै कार्यक्रमका लागि अभ्यास गरिरहनु भएको छ ।’

अहिलेसम्म सेल्सको हिसाबले लगभग ७० प्रतिशत टिकट गइसकेको छ । इसेवाबाट टिकट काट्न सकिने छ। इसेवा हाम्रो आधिकारीक टिकेटिग पार्टनर हो, आयोजक गोस्वामी भन्छन्– ‘कार्यक्रमका लागि निकै नै मेहनत गरेर तयारी गरिरहेका छौं । कार्यक्रममा सहभागिता जनाउनका लागि गायक सोनु निगम आफ्ना ३० सदस्य संगीतकर्मीहको टोलीसहित बुधवार हिान मुम्बईबाट काठमाडौं अवतरण गर्ने कार्यक्रमम छ । ३० जनाको टोलीमा सबै जना उहाँका म्यजिसियनहरुमा हुनुहुन्छ । बुधवार राति १० बजेसम्म कन्सर्टमा प्रस्तुत भएर उहाँहरुको समुह बिहीवार मुम्बई फर्किने छ । ’

‘आयोजकको रुपमा भन्नु पर्दा यो कार्यक्रमको म्यानेजमेन्टको हिसाबले ठूलो इभेन्टमा सबैभन्दा महत्वपूर्ण कुरा भनेको नै डोर म्यानेजमेन्ट हो । त्यसैले हामीले यो कार्यक्रमको डोर म्यानेजमेन्टका लागि एकातिर मात्र नभएर दुवैतर्फ ठठूलो बक्स अफिस राख्ने छौं, भिभिआइपी दर्शकहरु एउटा बक्स अफिसबाट प्रवेश गर्नु हुन्छ भने अन्य दर्शकहरु अर्को ढोकाबाट प्रवेश गर्नु हुनेछ । कार्यक्रममा हामीले बढीमा १० हजार दर्शकको सहभागिता रहने अपेक्षा गरेका छौं,’ उनी भन्छन् ।

कार्यक्रमका लागि दर्शक दीर्घाको छेउमै अस्थायी शौचाल निर्माणको काम भैसकोको छ । दर्शकको सुविधाका लागि आयोजक संस्थाल नै शौचालय बनाएको हो । यसबाहेक दर्शकका लागि कन्सर्ट स्थलमा फुड स्टल तथा बेभरेज स्टल पनि राखिने छ । भोज घरले उक्त फुड स्टलको व्यवथापन गर्नेछ । कार्यक्रमको सुरक्षाका लागि नेपाल प्रहरीबाहेक गरुड सेक्युरिटीजका तीन सय जना सुरक्षाकर्मीको टोलिले कार्यक्रमलाई सुरक्षा प्रदान गर्नेछ । यसबाहेक कार्यक्रमका लागि आयोजक संस्थाले जिल्ला प्रशासन कार्यालय काठमाडौं, नेपाल प्रहरी तथा ट्राफिक प्रहरीसंग पनि समन्यवय गरिरहेको छ ।

करिव तीन घण्टाको आफ्नो प्रस्तुतमा सोनु निगमले ४० देखि ५० वटासम्म गीत गाएर मनोरन्जन दिनेछन् ।

‘नेपाली टच अस्ट्रेलियाले सन् २००९–१० देखि कार्यक्रम गर्दै आइरहेको छ । त्यसपछि नेपाली टच विस्तार गर्ने क्रममा छ वर्षअघि नेपाली टच हङकङ विस्तार भयो । त्यहाँ पनि हामीले वर्षेनी एउटा कार्यक्रम आयोजना गरिरहेका छों । त्यसरी नै विस्तार गर्ने क्रममा आफ्नै देशको नेपाली टच नेपाल भनेर हाम्रो थर्ड च्याप्टर स्थापना गरेका हौं । त्यसको पहिलो कार्यक्रम हामीले दुई वर्ष अगाडि नेपथ्य ब्इाण्डलाई दमकमा उतारेर गरेका थियौं । काठमाडौंमा पहिलो पटक यो कार्यक्रम कार्यक्रम आयोजना गर्न लागिएको हो । यसपछि हामी अझ राम्रो कार्यक्रम ल्याउने योजनामा छौँ । सबै जनालाई खुशी पार्ने किसिमको कार्यक्रम गर्ने हाम्रँे प्रयास रहने छ ।

‘सोनु निगमलाई वर्षौँदेखि नेपालमा आइदिए हुन्थ्यो भन्ने सोच अधिकमांश दर्शकको थियो, तर अहिले आएर दर्शक श्रोताको माग र चाहना पुरा हुने भएको छ । पहिला पनि धेरैले ल्याउन खाज्नु भएको थियो, तर कति कुराहरु मिलेका थिएनन् होला । तर अब भने उहाँको लाइभ कार्यक्रम हेर्न र सुन्न नेपाली देर्शकले पाउने भएका छन् । अल टाइम नम्बर वान गायक सोनु निगमको कार्यक्रम सफल पार्न सबैले साथ दिनु हुन्छ भन्ने आशा लिएको छु , आयोजक गोस्वामी भन्छन् । आयोजक संस्थाले आज बिहीवारदेखि काठमाडौंका सम्पूर्ण भाटभटेनी सुपरमापर्केमा आफ्नो आउटलेट विस्तार गर्दै छ ।

कार्यक्रमको हस्पिट्यालिटी पार्टनर ह्यात रिजेन्सीका सेल्स तथा बजार प्रमुख अमित वालियाले कार्यक्रमको हस्पिट्यालिटी पार्टनरका रुपमा जोडिन पाउँदा खुशी लागेको बताएका छन् । उनले सोनु निगमको नेपाल बसाइलाई उत्कृष्ट बनाउन कुनै कसर नराखिने जानकारी दिएका छन् ।

के भन्छ टिकेटिङ पार्टनर इसेवा ?

टिकेटिङ पार्टनर इसेवाका कार्यक्रम प्रमुख गौरीशंकर दाहालले इसेवाले पहिलेदेखि नै ठूलो, राम्रो इभेन्टको आवश्यकता महशुस गरिरहेकोमा सोनु निगमसँग जोडिन पाएकोमा खुशी व्यक्त गरेका छन् । ‘इसेवालाई एउटा राम्रो इभेन्टको आवश्यक्ता पहिलादेखि नै महशुस गरिरहेको थियो । त्यसमा नेपाली टचजस्तो ठूलो कम्पनी, त्यसमाथि सोनु निगमजस्तो इन्टरनेशनल आर्टिष्टसँग जोडिन पाउँदा इसेवा कम्पनी नै खुशी छ, दाहाल भन्छन्– ‘हामीले सबैको पहुँचमा पर्ने गरी टिकट विक्रीका लागि राखेका छौं । त्यो बाहेक काठमाडौं बाहिरको पनि दर्शकका लागि इसेवाका समानान्तर सेवाहरु इसेवा होटल्स, बससेवाबाट पनि टिकट खोल्ने योजना बनाइरहेका छौं ।’