Logo

२०८२ भाद्र १५ गते आइतवार

२०८२ भाद्र १५ गते आइतवार

दयाहाङसहित ८ स्टार कलाकार राखेर ‘महाभोज’ निर्माण गर्दै दिनेश राउत

दयाहाङसहित ८ स्टार कलाकार राखेर ‘महाभोज’ निर्माण गर्दै दिनेश राउत


  • 1.9K
    Shares

    दयाहाङसहित ८ स्टार कलाकार राखेर ‘महाभोज’ निर्माण गर्दै दिनेश राउत
    images

    काठमाडौं । गत जेठमा प्रदर्शनमा आएको फिल्म ‘पुजार सार्की’ को सफलतापछि निर्देशक दिनेश राउतले नयाँ फिल्म निर्देशन थाल्ने भएका छन् । उनले स्टार कलाकारहरूलाई लिएर फिल्म ‘महाभोज’ निर्माण गर्न लागेका हुन् ।

    राउतका अनुसार फिल्ममा ८ स्टार कलाकारको अभिनय रहनेछ । अहिलेसम्म केन्द्रीय भूमिकामा ६ कलाकार र सहायक भूमिकामा दुई स्टार कलाकार रहने पक्कापक्की भएको छ ।

    फिल्ममा नायकतर्फ आर्यन सिग्देल, दयाहाङ राई, खगेन्द्र लामिछाने र अनुपविक्रम शाही अनुबन्ध भएका छन् । नायिकातर्फ मिरुना मगर, अञ्जना बराइली र मलिका महत फाइनल भएका हुन् ।

    सहायक भूमिकामा पनि स्टार दुई कलाकार कमलमणि नेपाल र बुद्धि तामाङ अनुबन्ध भएका निर्माण पक्षको भनाइ छ । चलचित्रमा अभिनेता दयाहाङ राई, नायक आर्यन सिग्देल, खगेन्द्र लामिछाने, नायिका मिरुना मगर, अञ्जना बराइली, मलिका महत, अनुपविक्रम शाही, बुद्धि तामाङ, र कमलमणि नेपालजस्ता चर्चित कलाकारहरूको मुख्य अभिनय रहनेछ ।

    ‘महाभोज’ले सर्वसाधारणको जीवन र भरोसामाथि खेलबाड गर्ने विरुद्धको विद्रोही अभियानको घटना उठान गर्ने निर्देशक राउतले बताए । उनले भने, ‘सत्यका लागि लड्ने र अन्यायको विरुद्ध आवाज उठाउने कथा हामीले यस चलचित्रमार्फत प्रस्तुत गर्दैछौं ।’

    यस फिल्मको स्क्रिप्ट विकास सुवेदीले लेखेका हुन् । कडरियाको क्लक वर्क क्रियशन र निर्देशक राउतको पिक्चर फ्रेमले सहकार्यमा बन्ने यस फिल्मको निर्माता हिमाल कडरिया हुन् । फिल्म छायाङ्कन  माघ १ बाट सुरु हुने बताइएको छ ।

    प्रकाशित मिति :मंसिर १८ २०८१ मंगलवार - २०:५५:०२ बजे
    प्रतिक्रिया

    खबरसेन्टर

    Admin Of Khabar Center.

    सम्बन्धित समाचार

    © 2025 All right reserved to khabarcnter.com | Site By : Sobij