२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । गोरखाको भिमसेनथापा गाउँपालिका वडा नम्बर १, मसेलको भौगोलिक, साँस्कृतिक, पर्यटकीय साथै धार्मिक विषयवस्तु लगायत अन्य विविध पक्षलाई समेटेर निर्माण गरिएको “रूमाल फरर, गोरखाको मसेल गाउँ घुमौं सरर” बोलको नयाँ गीत सार्वजनिक भएको छ ।
गायक तथा सर्जक मदन ढकाल र गायिका कञ्चन पुन मगरको आवाजमा रहेको नयाँ गीत “रूमाल फरर” दर्पण छाँया युटूव च्यानलबाट गत शुक्रवार भिडियोसहित सार्वजनिक भएको हो । अनमोल बस्नेतले एरेन्ज गरेको उक्त गीतको श्रव्यदृष्य मदन खड्काले निर्देशन गरेका हुन् ।
छायाँ मिडिया ग्रुप प्रा.लि.द्वारा निर्माण गरिएको नयाँ गीतमा गायक तथा सर्जक मदन ढकालकै शब्द रहेको छ भने बिकास ज्ञवालीले उक्त म्यूजिक भिडियो सम्पादन गरेका छन् । जसमा मोडल तथा कलाकारहरु आके परियार र माया मगरको धमकेदार नृत्य देख्न सकिन्छ।
गोरखाको मसेललाई पर्यटकीय स्थलको रुपमा विकास गर्न र अन्तर्रािष्ट्रय रुपमा चिनाउन गीत निर्माण गरिएको छायाँ मिडिया ग्रुप प्रा.लि.का अध्यक्ष राजकुमार श्रेष्ठ “सुजन” ले बताए । कार्यक्रममा वडा नम्बर १ का वडाध्यक्ष विकास श्रेष्ठले गीत संगीतको माध्यमबाट हाम्रो मसेल गाउँलाई देश बिदेशमा चिनाउने र वडाको समग्र विकासको लागि टेवा पुर्याउने विश्वास व्यक्त गरे ।
कार्यक्रममा वडा सदस्य सितल गुभाजु, विभिन्न राजनीतिक दलका प्रमुख तथा प्रतिनिधी, सामाजिक संघसस्थाका प्रतिनिधी, पत्रकार, बुद्दीजिबी, व्यावसायी लगायत मसेल स्थायी घर भइ काठमाडौं बसोबास गर्नेहरुको उल्लेख्य उपस्थिती रहेको थियो ।
© 2025 All right reserved to khabarcnter.com | Site By : Sobij
