२०८२ भाद्र १५ गते आइतवार
२०८२ भाद्र १५ गते आइतवार
काठमाडौं । जितु नेपालको मुख्य भूमिका रहेको फिल्म ज्वाइँ साब’ यही नोभेम्बर २२ मा अस्ट्रेलियाको सिड्नीमा रिलिज हुने भएको छ।
वसन्त निराौला निर्देशित यो फिल्म सिड्नीको हर्स्टभिलस्थित सिभिक थिएटरमा रिलिज हुन लागेको हो। फिल्मलाई पाल्पा इन्टरटेनमेन्टले सिड्नीमा रिलिज गर्न लागेको हो। लगानी उठाएको यो फिल्मले राम्रो समीक्षा पाएको थियो।
जितुसहित नीति शाह अभिनित यो फिल्म नेपालमा गत असोज २४ गते फूलपातीको दिन रिलिज भएको थियो। पाल्पा इन्टरटेनमेन्टका दिनेश श्रेष्ठका अनुसार सिड्नीमा दर्शकले ‘ज्वाइँ साब’को माग गरेपछि रिलिज गर्न लागिएको हो। उनले अन्य सहरहरुमा पनि फिल्म रिलिजको तयारी भइरहेको जानकारी दिए।
राजकुमार पण्डित प्रस्तुतकर्ता र वसन्त निरौला निर्देशक रहेको फिल्ममा जितु नेपाल, नीति शाह, बुद्धि तामाङ, रमेश बुढाथोकी, शिशिर वाङ्देल, प्रकाश घिमिरे, निमा पाण्डे, हिमेश पन्त, शिवहरी वैरागी, राजेन्द्र नेपाली, कविता आले, शिवु पाण्डे, इशान राउत लगायतका कलाकारहरुको अभिनय छ । फिल्मको वितरण एप्पल इन्टरटेनमेन्ट, रिच इन्टरटेनमेन्ट र एफडी कम्पनीले गरेका छन्।
© 2025 All right reserved to khabarcnter.com | Site By : Sobij
