२०८२ भाद्र १ गते आइतवार
२०८२ भाद्र १ गते आइतवार
गोरखा । भिमसेनथापा गाउँपालिका–१, मसेलस्थित खागीथोकमा रहेको श्री विन्द्रावती महिला वचत तथा ऋण सहकारी संस्था लिमिटेडमा चोरी भएको छ ।
गएराती सहकारीबाट करिब १ लाख २८ हजार ३ सय ३५ रुपैयाँ चोरी भएको भिमसेनथापा गाउँपालिका–१ का वडाध्यक्ष बिकास श्रेष्ठले खवर सेन्टरलाई बताए । अध्यक्षका अनुसार चोरले चाबी नै खोलेर बचतकर्ताको पास बुक र घर्रामा राखिएको नगद चोरी गरेकोले यस विषयमा प्रहरीलाई जानकारी गराइसकेको र प्रहरीबाट छानविन भइरहेको पनि श्रेष्ठले बताए ।
संस्थाले प्रत्येक महिनाको २ देखि ७ गतेसम्म बचत संकलन गर्ने गरिएको र ९ गते ऋण दिने गर्ने नियमित कार्यतालिका रहेकोमा ऋण दिने दिन राती चोरी हुनुले कार्यालयमा कार्यरत कर्मचारी नै यसमा संलग्न हुनसक्ने शंका उत्पन्न भएको छ ।
सोही राती वडा नम्बर-१, को माझथोकमा पनि आधा दर्जन जति पसल र कोठा तोडफोड गरी समान चोरी भएको अध्यक्ष श्रेष्ठले बताए ।
© 2025 All right reserved to khabarcnter.com | Site By : Sobij
