२०८२ भाद्र २ गते सोमवार
२०८२ भाद्र २ गते सोमवार
भारतमा पछिल्लो २४ घण्टामा ७२ हजारभन्दा बढीमा कोरोना संक्रमण पुष्टि भएको छ । भारतीय स्वास्थ्य मन्त्रालयका अनुसार बिहीबार बिहानसम्ममा ७२ हजार ३३० जनामा संक्रमण देखिएको हो ।
यससँगै भारतमा कूल संक्रमितको संख्या १ करोड २२ लाख २१ हजार ६६५ पुगेको छ । बुधवारसम्म ४० हजार ३८२ जना डिस्चार्ज हुँदा भारतमा हाल ५ लाख ८४ हजार ५५ जना सक्रिय कोरोना संक्रमित रहेका छन् ।
यस्तै, पछिल्लो २४ घण्टामा ४५९ जनाको कोभिड १९ संक्रमणका कारण मृत्यु भएको छ । हालसम्म भारतभर कोरोनाका कारण १ लाख ६२ हजार ९२७ जनाको मृत्यु भइसकेको छ ।
पछिल्लो केही सातादेखि भारतमा कोरोना संक्रमितको संख्या बढ्दो छ । आज पुष्टि भएको मृत्यु र संक्रमण केही महिनायता कै सर्वाधिक हो ।
संक्रमण बढेसँगै भारतका केही राज्यहरुले निश्चित शहर र क्षेत्रमा लकडाउन गरिसकेको छ। साथै केही क्षेत्रहरुमा प्रतिबन्ध लगाएको छ । यद्यपि, संक्रमणको अवस्था बढ्दै जाँदा केन्द्र र राज्य सरकारले फेरि लकडाउन वा कडा प्रतिबन्ध लगाउने तिर योजना बनाइरहेको बताइएको छ ।
© 2025 All right reserved to khabarcnter.com | Site By : Sobij
