२०८२ भाद्र १५ गते आइतवार
२०८२ भाद्र १५ गते आइतवार
बलिउड अभिनेता रजनीकान्तले दादा साहेब फाल्के अवार्ड पाउने भएका छन् । भारतका केन्द्रीय मन्त्री प्रकाश जावडेकरले उक्त अवार्डको घोषणा गरेका हुन् ।
विगत पाँच दसकदेखि भारतीय सिनेमामा सक्रिय रहेका रजनीकान्तलाई यो अवार्ड घोषणा गर्दै मन्त्री प्रकाशले भने, 'हामी खुसी छौं । देशका सबै क्षेत्रका फिल्मकार, अभिनेता, अभिनेत्री, गायक, संगीतकारहरुलाई समय समयमा दादा साहब फाल्के अवार्डबाट सम्मान गर्न पाउँछौं ।'
यो अवार्डका लागि पाँच सदस्यीय जुरी बनाइएको थियो । आशा भोसले, मोहनलाल, विश्वजीत चटर्जी, शंकर महादेवन र सुभाष घाइ सम्मिलित जुरीले रजनीकान्तलाई अवार्ड दिन सिफारिस गरेको थियो ।
सन् १९१३ मा दादा साहब फाल्केले पहिलो फिल्म राजा हरिशचन्द्र बनाएका थिए । उनको मृत्युपछि सरकारले उनको नाममा अवार्ड घोषणा गरेको थियो ।
© 2025 All right reserved to khabarcnter.com | Site By : Sobij
