२०८२ माघ १० गते शनिवार
२०८२ माघ १० गते शनिवार
काठमाडौं । नेपाली कांग्रेसका प्रमुख सचेतक तथा केन्द्रीय सदस्य श्याम घिमिरेले समाजवाद शब्द हटाउन माग गरेका छन् ।
पार्टी केन्द्रीय समिति बैठकमा उनले समाजवाद शब्द हटाएर पूर्वराजाहरूले प्रयोग गर्ने प्रजातन्त्र राख्न माग गरेका हुन् ।
कांग्रेसले समाजवादी शब्द राख्दा कम्युनिस्टहरूलाई फाइदा भएको भन्दै उक्त शब्द हटाउनुपर्ने माग राखेका हुन् ।
‘संसारका कुनै पनि लोकतान्त्रिक मुलुकले आफूलाई समाजवादी भन्दैनन्, हामी र कम्युनिस्ट पार्टीबिचको अन्तर छुट्टाउन पनि कांग्रेसले समाजवाद शब्द हटाउनुपर्छ,’ घिमिरेले भने, ‘आज बीपी जीवित हुनुभएको भए समाजवादको रटान लगाइरहनुहुन्थ्यो ? के हामीले भनेजस्तो स्केन्डेभियन मुलुकहरूले आफूलाई समाजवादी भन्छन् कि, सोसल डेमोक्रयाट ?’
नेपाली कांग्रेसले स्थापनाकाल देखिनै राष्ट्रियता, प्रजातन्त्र र समाजवादलाई मूल आदर्श मान्दै आएको छ ।
© 2026 All right reserved to khabarcnter.com | Site By : Sobij
