२०८२ भाद्र १५ गते आइतवार
२०८२ भाद्र १५ गते आइतवार
काठमाडौं । सिनेमा हलमा नयाँ चलचित्र प्रदर्शन हुन नसकेको बेला नयाँ चलचित्र ‘गुड फ्रेन्ड’ रिलिजको घोषणा गरिएको छ । यो चलचित्र यही २० चैतबाट सिनेमा हलमा रिलिज गरिने निर्माण पक्षले जनाएको छ ।
नयाँ चलचित्र रिलिज नभएको बेलामा खुला रहेको सिनेमा हलमा केही राहत पुगोस् र दर्शकले पनि नयाँ फिल्म हेरून् भनेर आफूहरूले २० चैतबाट देशभर चलचित्र गुड फ्रेन्ड रिलिज गर्न लागेको पनि निर्माण पक्षले जनाएको छ ।
यस चलचित्रमा मुकेश ढकाल, सविना कार्की, एलबी कटुवाल, वसन्त बर्मा, राजन महर्जन, पूजा महर्जन, राज सिंहलगायतको अभिनय छ ।
समसामयिक प्रेमकथामा आधारित चलचित्र एक्सन प्रधान रहेको निर्माण पक्षले जनाएको छ । यस चलचित्रमा पम्फा बर्मा, फारुबी बर्मा निर्माता रहेका छन् । चलचित्र निर्देशन राजबहादुर सानेले गरेका हुन् ।
यो चलचित्रमा प्रदीप खड्काको द्वन्द्व निर्देशन, ध्रुव बिश्कोको संगीत, अजय स्याङतान र राजन महर्जनको नृत्य निर्देशन, केशव अधिकारीको छायांकन रहेको छ ।
© 2025 All right reserved to khabarcnter.com | Site By : Sobij
