२०८२ भाद्र १३ गते शुक्रवार
२०८२ भाद्र १३ गते शुक्रवार
काठमाडौँ । रसुवागढी हाईड्रोपावर कम्पनी लिमिटेडले दुई आर्थिक वर्षको साधारण सभाको मिति र स्थान परिवर्तन गरेको छ । कम्पनीको असार ३ गते बसेको सञ्चालक समितिको बैठकले १० औं र ११ औं साधारण सभाको मिति र स्थान परिवर्तन गरेको हो ।
उक्त सभा अब आगामी असार ३० गते काठमाडौँ कमलादीमा रहेको नेपाल प्रज्ञा प्रतिष्ठानमा बिहान ११ बजे आयोजना हुनेछ । यसअघि उक्त सभाहरु असार ११ गते काठमाडौँको चण्डालमा रहेको कुण्डलिनी दरबार ब्याङक्वेटमा बिहान ११ बजे आयोजना हुने तय भएको थियो ।
सभा आयोजना निर्माण क्षेत्रमा आईपरेका विभिन्न समस्याका कारण उक्त सभाको पूर्वनिर्धारित समय र स्थान परिवर्तन गर्नुपरेको कम्पनीले जनाएको छ ।
कम्पनीले दुवै आवका लागि लाभांश नदिने निर्णय गरेकाले सभामा लाभांशको कुनै पनि अजेण्डा पेश हुने छैन । सभामा आव २०७८/७९ र २०७९/८० को वार्षिक प्रतिवेदनमाथि छलफल गरी पारित गरिनेछ।
यस्तै सभामा आव २०७८/७९ र २०७९/८० को लेखापरीक्षण प्रतिवेदन सहितको वित्तीय विवरणहरुमाथि छलफल गरी पारित गरिनुका साथै आव २०८०/८१ का लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्ताव पारित गरिनेछ।
उक्त सभामा २ जना स्वतन्त्र सञ्चालकको नियुक्ती र सञ्चालक समितिका सदस्यहरुको बैठक भत्ता निर्धारण गर्ने प्रस्ताव समेत पारित हुनेछ ।
साधारण सभा प्रयोजनका लागि कम्पनीले गत जेठ २३ गते एक दिनका लागि बुक क्लोज गरिसकेको छ ।
© 2025 All right reserved to khabarcnter.com | Site By : Sobij
