२०८२ भाद्र १३ गते शुक्रवार
२०८२ भाद्र १३ गते शुक्रवार
काठमाडौँ । हिमाल दोलखा हाइड्रोपावरको दुई आर्थिक वर्षको साधारणसभा आज एकसाथ बस्दैछ ।
सभा, केएम ब्यांक्वेट, कोटेश्वर, काठमाडौँमा बिहान ९ः३० बजेदेखि सुरु हुने कम्पनीले जनाएको हो । यद्यपि कम्पनीले लाभांशसम्बन्धी कुनै प्रस्ताव गरेको छैन ।
यसअघि गत चैत २९ गते बस्ने भनिएको कम्पनीको साधारणसभा गणपूरक संख्या नपुगेपछि स्थगित गरिएको थियो । सभामा आर्थिक वर्ष २०७८/०७९ र २०७९/८० को नाफा नोक्सानसम्बन्धी हिसाबका सम्बन्धमा छलफल हुनेछ ।
साथै, सभाले आर्थिक वर्ष २०८०/८१ को लागि लेखापरीक्षक नियुक्ति र निजको पारिश्रमिक निर्धारण तथा स्वतन्त्र सञ्चालक नियुक्त गर्नेछ ।
सभा प्रयोजनका लागि कम्पनीले चैत १८ गते बुक क्लोज गरिसकेको छ । अतः चैत १७ गतेसम्म कायम शेयरधनी मात्रै सभामा सहभागी हुन पाउनेछन् ।
© 2025 All right reserved to khabarcnter.com | Site By : Sobij
