२०८२ भाद्र १ गते आइतवार
२०८२ भाद्र १ गते आइतवार
काठमाडौं । सत्तारूढ दल नेकपा (एमाले) र माओवादी केन्द्र सरकारबाट बाहिरिने भएका छन् । आज (आइतबार) बेलुकीसम्म यी दुई सत्तारूढ दल मधेस प्रदेश सरकारबाट बाहिरिने भएका हुन् ।
मधेसमा जनता समाजवादी पार्टी (जसपा) नेपालको नेतृत्वमा सरकार छ । उक्त सरकारबाट आजै बाहिरिने तयारीमा एमाले र माओवादी रहेको एमालेका एक सांसदले बताए ।
ती सांसदका अनुसार एमाले, माओवादी, जनतमत लगायतका दलहरू गठबन्धन गरेर नयाँ सरकार गठन गर्ने तयारीमा छन् । त्यसका लागि जसपा नेतृत्वको सरकार ढाल्न एमाले र माओवादी आजै सरकारबाट बाहिरिने तयारीमा छन् ।
यद्यपि हालसम्म नेकपा (एकीकृत समाजवादी) भने दोमनमा छ । उसले अहिलेसम्म के गर्ने भन्ने निर्णयमा पुगेको छैन । जसपा नेतृत्वको मन्त्रिपरिषदमा एमाले, माओवादी केन्द्र र एकीकृत समाजवादी छन् ।
१०७ सदस्यीय मधेस प्रदेशसभामा एमालेका २३, माओवादीका ९, लोसपाका ८, जनमतका १३, एकीकृत समाजवादीका ७ जना सांसद छन् । यो संख्या नयाँ सरकार गठनका लागि आवश्यक बहुमत हो ।
© 2025 All right reserved to khabarcnter.com | Site By : Sobij
