२०८२ भाद्र १ गते आइतवार
२०८२ भाद्र १ गते आइतवार
विराटनगर । कोशी प्रदेशको मुख्यमन्त्रीमा नेकपा (एमाले) संसदीय दलका नेता हिक्मत कार्कीले मुख्यमन्त्रीमा दाबी पेस गर्दैछन् । उनले एमाले–माओवादी लगायतका दलहरुको समर्थनमा उक्त प्रदेशको मुख्यमन्त्रीमा दाबी पेस गर्न लागेका हुन् ।
नयाँ सरकार गठनका लागि कार्कीले संविधानको धारा १६८ को उपधारा ५ बमोजिम मुख्यमन्त्री पदमा नियुक्त गर्न दाबी पेस गर्ने तयारी गरेका छन् ।
प्रदेश प्रमुख पर्शुराम खापुङले गएराति शुक्रबार साँझ ५ बजेसम्मको समय दिएर मुख्यमन्त्रीमा दाबी पेस गर्न आह्वान गरेका छन् ।
विराटनगरमा एमाले–माओवादीले सरकार बनाउन दाबी पेस गरिरहँदा मुख्यमन्त्री केदार कार्की सर्वोच्चमा रिट दायर गर्ने तयारीमा छन् र उनी काठमाडौं आइपुगेका छन् ।
मुख्यमन्त्री कार्कीले आफु संबिधानको धाराको १६८ को ५ अनुसारको मुख्यमन्त्री रहेकाले अब यस धारा अनुसार अर्को सरकार गठन हुन नसक्ने जिकिर गर्दै आएका छन् ।
© 2025 All right reserved to khabarcnter.com | Site By : Sobij
