२०८२ भाद्र २ गते सोमवार
२०८२ भाद्र २ गते सोमवार
काठमाडौं । सिन्धुपाल्चोकको हेलम्बु गाउँपालिकामा जीप दुर्घटना भएको छ । बा२च ४४५० नम्बरको जीप बुधबार दुर्घटना हुँदा दुई भुटानी नागरिकको मृत्यु भएको सिन्धुपाल्चोकका प्रहरी प्रमुख एसपी बालनरसिंह राणाले जानकारी दिए ।
दुर्घटनामा अन्य पाँचजना घाइते भएका छन् । मृत्यु हुनेमा ३३ वर्षीय अब्गे र ७१ वर्षीया वाङमो छन् ।
जीप चालक सिन्धुपाल्चोककै चन्द्र भण्डारी थिए । उनको अवस्था सामान्य छ । प्रहरीका अनुसार जीप हेलम्बु गाँउपालिका–१, दोरिमबाट खारपाङ जाने क्रममा दुर्घटना भएको हो ।
घाइते पाँचमध्ये तीनजनालाई फिस्टेल हेलिकोप्टरबाट काठमाडौंस्थित केएमसी अस्पताल ल्याइएको छ । दुईजनाको भने जिल्ला अस्पताल सिन्धुपाल्चोकमा उपचार भइरहेको जनाइएको छ ।
© 2025 All right reserved to khabarcnter.com | Site By : Sobij
