२०८२ मंसिर १३ गते शनिवार
२०८२ मंसिर १३ गते शनिवार
काठमाडौँ । गण्डकी प्रदेशमा बेरोजगारी दर २.३ प्रतिशत र अर्धबेरोजगारी दर ३०.१ प्रतिशत रहेको छ ।
गण्डकी प्रदेश सरकारले सार्वजनिक गरेको “गण्डकी प्रदेश स्थिति पत्र, २०७५” अनुसार गण्डकी प्रदेशमा बेरोजगारी दर २.३ प्रतिशत र अर्धबेरोजगारी दर (१५–५९ वर्षको जनसंख्या) ३०.१ प्रतिशत रहेको हो ।
त्यसैगरी, युवा अर्धबेरोजगारी दर (१५–२४ वर्षको जनसंख्या) ४१.९ प्रतिशत रहेको छ । गण्डकी प्रदेशबाट प्रकाशित आर्थिक सर्वेक्षण २०७८÷७९ अनुसार यस प्रदेशमा व्यवसायिक प्रतिष्ठानको संख्या १ लाख ६ सय ८४ पुगेको छ । यी प्रतिष्ठानहरूमा ३ लाख ३२ हजार ४ सय ७२ व्यक्तिले रोजगारी पाएको देखिएको छ ।
यसमध्ये थोक तथा खुद्रा व्यापारमा २९.९ प्रतिशत, शिक्षामा १८.४ प्रतिशत, आवास तथा भोजनमा १३.७ प्रतिशत र उत्पादनमूलक उद्योगमा ११.४ प्रतिशत रोजगारी सिर्जना भएको छ । जम्मा ८५ स्थानीय तह रहेको यस प्रदेशमा ८२ स्थानीय तहहरूलेआर्थिक वर्ष २०७९÷८० मा प्रधानमन्त्री रोजगार कार्यक्रम सञ्चालन गरेका छन् ।
सो अन्तर्गत सञ्चालित १ हजार ५ सय ८४ आयोजना मार्फत कुल ७ हजार ४ सय २८ व्यक्तिले औसतमा ७६ दिन रोजगारी पाएका छन्। यस कार्यक्रम अन्तर्गत गण्डकी प्रदेशमा कुल ५ लाख ६५ हजार ५ सय पचहत्तर दिन रोजगारी पाएका छन् ।
© 2025 All right reserved to khabarcnter.com | Site By : Sobij
