२०८२ मंसिर १३ गते शनिवार
२०८२ मंसिर १३ गते शनिवार
काठमाडौं। शिवम् होल्डिङ्स लिमिटेडले सर्वसाधारणका लागि आईपीओ निष्कासन गर्ने भएको छ ।
शिवम् सिमेन्ट्स लिमिटेडको करिब ८५ प्रतिशत शेयर लगानी रहेको होल्डिङ्सले १ करोड १६ लाख साधारण शेयर निष्काशन गर्न लागेको हो ।
जारी पुँजी ५ अर्ब ८० करोडको २० प्रतिशत बराबर हुने (१०० का दर)ले १ करोड १६ लाख साधारण शेयर सर्वसाधारणका लागि निष्काशन गर्न नेपाल धितोपत्र बोर्डको स्वीकृतिअनुसार प्रक्रिया अगाडि बढेको कम्पनीले जनाएको छ ।
शिवम् होल्डिङस् लिमिटेडका सञ्चालक अध्यक्ष शिवरतन शारदाको उपस्थितिमा सिद्धार्थ क्यापिटल लिमिटेडसँग शेयर निष्काशन तथा बिक्री प्रबन्धक नियुक्तिका लागि सम्झौता समेत भइसेकेको छ ।
सम्झौताअनुसार कम्पनीले सर्वसाधारणमा शेयर निष्कासन गरी बजारमा छरिएर रहेको स–साना पुँजीलाई संकलन गर्दै लगानी थप विस्तार गरी देशको अर्थतन्त्रमा योगदान पुर्याउँदै मुनाफा आर्जन गर्ने विश्वास लिएको छ ।
शिवम् होल्डिङ्स लिमिटेडको अधिकृत तथा जारी पुँजी रु. ५ अर्व ८० करोड मध्ये संस्थापकहरू तर्फ ८० प्रतिशत अर्थात रु. ४ अर्व ६४ करोड र सर्वसाधारण तर्फ रु. १ अर्व १६ करोड शेयर पुँजी छुट्याई प्रिमियम मूल्यमा निष्कासन गर्ने प्रक्रिया प्रारम्भ गरेको हो ।
© 2025 All right reserved to khabarcnter.com | Site By : Sobij
