२०८२ आश्विन २७ गते सोमवार
२०८२ आश्विन २७ गते सोमवार
काठमाडौँ । पालमा टिकटक बन्द गर्ने निर्णय विरुद्द सर्वोच्च अदालतमा परेको १४ वटा रिटमा आज सनुवाई हुँदै छ । आज मंगलबार न्यायाधीश बिनोद शर्माको एकल इजलाशमा यी रिटको सुनुवाई हुने भएको हो ।
सो इजलाशमा टिकटकबारेको रिटको पेशी तेस्रो नम्बरमा रहेको छ । यस अघि हिजो पनि यी मुद्दाको पेशी तोकिएकोमा हिजो हेर्न नभ्याइनेमा परेको थियो।
टिकटक प्रतिबन्धबारे सर्वोच्चमा १४ वटा रिट परेको छ । सोमबार थप ४ रिट परेसंगै रिट संख्या १४ पुगेको हो । १४ वटै रिटको सुनुवाई एकै साथ हुने छ ।
सबैजसो रिटमा टिकटक माथि प्रतिबन्ध लगाउने नेपाल सरकारको निर्णय बदर गर्न माग गरिएको छ। टिकटकमाथि प्रतिबन्ध लगाउँदा नागरिकको विचार तथा अभिव्यक्ति स्वतन्त्रता हनन भएको, र निर्णय गर्दा कुनै कानूनी आधार नटेकेकोले सरकारको निर्णय खारेज गर्नको लागि अन्तरिम आदेशको माग गरिएको छ।
कार्तिक २७ मा बसेको मन्त्रिपरिषदको बैठकले टिकटक बन्द गर्ने निर्णय गरेको थियो ।
© 2025 All right reserved to khabarcnter.com | Site By : Sobij
