मेष (चू,चे,चो,ला,लि,लू,ले,लो,अ)

भविष्यका लागि दिगो फाइदा हुने काममा जग बसाउने मौका छ। सामाजिक नेतृत्व हातलागी हुन सक्छ। कलहको योग भएकाले कसैसँग बोल्दा वा ठट्टा गर्दा बढी सतर्कता अपनाउनुहोला । आर्थिक क्षेत्रमा पनि सङ्कट र चिन्ता बढ्न सक्छ ।

बृष (ई,ऊ,ए,ओ,वा,वी,वू,वे,वो)

प्रतिद्वन्द्वीहरूको सामना गर्नुपरे पनि संघर्षपछि प्रतिफल पाइने समय छ। पुरुषार्थी कामले समाजमा स्थापित बनाउनेछ। चुनौती पन्छाएर नयाँ काममा जग बसाउने मौका छ। रोकिएका काम बन्नुका साथै नयाँ काम प्रारम्भ हुनेछ। 

मिथुन (का,की,कू,घ,ङ,छ,के,को,हा)

धैर्य एवं लगनशीलताले अवसर दिलाउनेछ । प्रेम सम्बन्ध कसिलो हुनेछ । नयाँ ज्ञान सिक्ने मौका मिल्नेछ । आर्थिक क्षेत्रमा राम्रै सफलता मिल्नेछ । लेनदेन, सरसापट र वादविवाद सुल्झाउने समय छ। 

कर्कट (ही,हू,हे,हो,डा,डी,डु,डे,डो)

भेटघाटमा अलमलिनुपर्ला। महत्त्वपूर्ण कामको थालनी हुनेछ । लक्ष्मी प्रसन्न हुने योग छ । परिश्रमअनुसार उपलब्धि पनि राम्रै पाइएला । सामाजिक क्षेत्रमा सफलता मिल्नेछ । घुमफिर तथा मनोरञ्जनमा समय बित्नेछ। 

सिहं (मा,मी,मू,मे,मो,टा,टी,टू,टे)

कामको चाप बढ्नेछ भने शरीरमा कमजोरी तथा आलस्य अनुभूति हुनेछ। लगनशीलताको कमीले गर्दा ठूलो उपलब्धि हात पार्न नसकिएला । सहकर्मीबाट विरोध आउनसक्छ । नियमित खर्चसमेत बढ्ने योग छ ।

कन्या (टो,पा,पी,पू,ष,ण,ठ,पे,पो)

विभिन्न अवसरले पछ्याउनेछन् भने दिगो काममा जग बसाउने मौका छ। लाभदायक यात्रा हुनेछ । ठीक समयमा सही निर्णय लिन सकिनेछ । राजनैतिक क्षेत्रमा सफलता मिल्नेछ । व्यापार व्यवसायमा सफलता मिल्नेछ ।

तुला (रा,री,रु,रे,रो,ता,ती,तू,ते)

साझेदारीमा पहिलेको सम्झौता भंग हुन सक्छ। महिला वा मित्रबाट विशेष सहयोग मिल्नेछ । रोकिएका काम पुनः सुरु हुन सक्छन् । शेयर बजाको कारोबारमा पनि सफलता पाइएला ।

बृश्चिक (तो,ना,नी,नू,ने,नो,या,यी,यू)

बोलीको गलत अर्थ लाग्नाले वादविवादमा परिने सम्भावना छ। शरीरमा स्फूर्ति र उमङ्गको कमी हुनेछ । ससाना समस्यामा अल्झनुपर्नेछ । स्वास्थ्यमा खर्च बढ्नेछ, तर नयाँ लगानीको अवसर भने मिल्नेछ ।

धनु (ये,यो,भा,भी,भू,ध,फा,ढा,भे)

बुद्धिको उपयोगले अधिकार र प्रतिष्ठा जोगाउन सफल भइनेछ। प्रतिस्पर्धामा राम्रो सफलता मिल्नेछ, तर शेयर बजारको कारोबारमा सफलता नपाइएला ।

मकर (भो,जा,जी,जू,जे,जो,ख,खी,खू,खे,खो,गा,गी)

आफ्नो मिहिनेतबाट अरूले फाइदा उठाउने कोसिस गर्लान्। नयाँ अवसर आउनाले मन प्रसन्न रहनेछ । घरमा अतिथिको आगमन हुनेछ । साथीभाइले सहयोग जुटाउनेछन्।

कुम्भ (गू,गे,गो,सा,सी,सू,से,सो,दा)

अध्ययनको लगावले बौद्धिक क्षेत्र फराकिलो बन्नेछ। सहपाठीहरू पछि पर्नेछन्। मिहिनेतले प्रतिष्ठित काम सम्पादन गर्ने मौका दिलाउनेछ। चिताएका काम सम्पादन हुनेछन्। 

मीन (दी,दू,थ,झ,ञ,दे,दो,चा,ची)

अर्थअभाव खट्किनाले बनिसकेको काम दोहोर्याउनुपर्ला। आफन्तसँग भेटघाट हुनेछ । साँझमा अधुरा काम बन्न सक्छ , तर नियमित खर्चसमेत बढ्ने योग पनि छ ।

तपाईको दिन शुभ रहोस् ।