२०८२ भाद्र २५ गते बुधवार
२०८२ भाद्र २५ गते बुधवार
धनगढी । सुदूरपश्चिमको अस्थायी मुकाम धनगढीमा अनुमति विना अवैध रुपमा क्लिनिक सञ्चालन गर्ने दुई जनालाई पक्राउ गरिएको छ ।
मंगलबार स्वास्थ्य कार्यालय कैलालीसँगको समन्वयमा धनगढी उपमहानगरपालिका(३ को बोराडाँडी र ७ को देवहरियामा अनुमतिविना सञ्चालन गरिएका दुई वटा क्लिनिकका सञ्चालकलाई पक्राउ गरिएको प्रहरीले जनाएको छ ।
जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डीएसपी) कुलदिप चन्दले बोराडाँडीमा रहेको अर्जुन क्लिनिकका सञ्चालक ४५ वर्षीय अर्जुन कुँवर र देवहरियाको अभिनव हेल्थ क्लिनिककी सञ्चालक २१ वर्षीया कमला बोहरालाई पक्राउ गरिएको जानकारी दिए ।
उनीहरुले क्लिनिक सञ्चालनको अनुमति नलिएर क्लिनिक चलाइरहेको पाइएपछि पक्राउ गरिएको डीएसपी चन्दले बताए । दुवै जनाविरुद्ध मुलुकी अपराध संहिता २०७४ अनुसार मुद्दा दर्ता गरेर आवश्यक अनुसन्धान भइरहेको प्रहरीले जनाएको छ
© 2025 All right reserved to khabarcnter.com | Site By : Sobij
