२०८२ भाद्र २ गते सोमवार
२०८२ भाद्र २ गते सोमवार
पोखरा । नेपाल आयल निगमले १० हजार किलो लिटर डिजलको भण्डारण गृह निर्माण सम्पन्न भएको छ ।
सोमबार उद्योग, बाणिज्य तथा आपूर्ति मन्त्री रमेश रिजालले गण्डकी प्रादेशिक कार्यालय पोखरामा पेट्रोलियम पदार्थको भण्डारण वृद्धि परियोजना अन्तर्गतको भण्डारण गृह तथा अग्नी सुरक्षा संयन्त्र निर्माणको समुद्घाटन गरेका छन् ।
समुद्घाटन गरिएको डिजलको भण्डारण गृह नेपालको नै दोस्रो ठूलो भण्डारण गृह भएको छ । उक्त भण्डारण वि.स २०५८ सालदेखि निर्माण कार्य सुरु भएको हो । सो भण्डारण निगमको आफ्नै लगानीमा निर्माण भएको हो । जसको सोमबारदेखि औपचारिक सुरुवात भएको छ ।
गण्डकी प्रदेशको कास्की जिल्ला पोखरा महानगरपालिका वडा नम्बर २९ र ३० गगनगौंडामा रहेको छ । उक्त डिपोको भण्डारण क्षमता विस्तारले प्रदेशमा पेट्रोलियम पदार्थको बिक्री वितरणलाई सुदृढ बनाउन कोशेढुंगा साबित हुने निगमको विश्वास रहेको छ ।
© 2025 All right reserved to khabarcnter.com | Site By : Sobij
