काठमाडौं । फेरी एकपटक सामाजिक सञ्जाल पल शाहमय भएको छ । नाबालिग बलात्कार मुद्दामा सफाइ पाएका अभिनेता शाहले जेलबाट निस्किएपछि दिएको पहिलो अन्तरवार्ताले हंगामा नै सिर्जना गर्यो ।

सन्दीप क्षेत्रीको टेलिभिजन शो ‘ह्वाट द फ्लप’ मा पलले दिएको अन्तर्वार्ता यति आलोचित र विवादित बन्यो कि कान्तिपुर टेलिभिजनले उक्त अन्तर्वार्ता युट्यूबबाटै हटाउनुपर्यो ।

अन्तरवार्तामा पल शाहले आफ्नो जेल अनुभव सुनाएका थिए । सो अन्तरवार्तामा पलको जेल यात्रालाई बहादुरीपूर्ण कार्य जसरी चित्रित गरिएको थियो । पलले रोमाञ्चित हुँदै जेल बसाईको विवरण सुनाउँदा सन्दीप क्षेत्रीले लगातार अट्टहाँस गरेका थिए । दर्शकले उनको यस्तो प्रस्तुतिलाई पचाएनन् । अन्तर्वार्ता विवादित बन्यो र अन्तत हटाईयो।

आफूले दिएको अन्तर्वार्ता विवादित बनेपछि र चारैतिरबाट आलोचनाको सिकार भएपछि पलले मुख खोले । उनले सामाजिक सञ्जालमा आक्रोश पोख्दै लामो स्टाट्स लेखे । उनको अन्तर्वार्ता र स्टाटसपछि अहिले केही कलाकारहरुले पनि उनको पक्ष वा विपक्षमा तर्क गर्न थालेका छन् । प्रायले घुमाउरो र सांकेतिकरुपमा स्टास लेखेका छन् । तर, गायिका ज्योती मगर भने स्ट्रेट फरवार्ड पल शाहको पक्षमा उभिएकी छन् ।

मिडियाले पल शाहको अन्तरवार्ता लिन नपाएको झोकमा पिडितको आँशु बेचेको आरोप ज्योतीको छ । कानूनरुपमा टुंगिसकेको विषयलाई कोट्याइरहेको भन्दै उनले असन्तुष्टि व्यक्त गरेकी छन् ।

ज्योती लेख्छिन्, ‘हिजो पल शाह नम्बर वान स्टार हुँदै गर्दा, उनले त्यहीँ काण्डवाला मिटिङमा बोल्दै गर्दा रेकर्ड गरिएको अडियो सार्बजनिक गर्नको लागि पैसाको डिल गर्नेहरु आज पललाई फेरी जिरोमा झार्नु पर्छ है भनेर लागेका छन् । बाँकी आफूलाई विवेकी ठान्नेहरु पनि ब्यक्तिगत रिस साँध्दै छन। अरुको त के कुरा गर्ने ?’

‘मिन्स भएन भन्दिउ ? झोला बोकाएर दाङ लखेटौं ? के गरौं ? यो गरौं, उ गरौं ? भन्दै जाल बुनेका कुराहरु पनि हामी सबैले सुनेकै हो क्यारे’, उनले जोडेकी छन् ।

पल जेलबाट रिहा हुँदै गर्दा र चर्को लाइमलाइटमा परिरहँदा अन्तर्वार्ता दिन नमानेकाले उनलाई गिराउन पीडितको आँसु बेचेर अन्तरवार्तालाई भाइरल गराएको उनको आरोप छ । उनले लेखेकी छन्, ‘कठै हाम्रा मिडिया । लागिपर्नुस केही छैन । तपाईंहरुले बेच्ने त हेड्लाइन नै त हो । कानुनीरुपमा सकिएका कुराहरु कति कोट्याइरहन्छौ ? ओ म्याथ सिक्नेहरु १’

उनले सबै कलाकारहरुलाई कहीँ कतै अन्तर्वार्तामा जाँदा रोइदिन भन्दै कटाक्ष गरेकी छन् । उनले भनेकी छन्, ‘मेरा प्यारा कलाकारहरु, तपाईहरु कहीँकतै अन्तवार्ता दिन जाँदा रोइदिनुस् । अनि बल्ल सबैले विचरा भन्छन् । सही हो भन्छन् । हाँस्नुलाई त मजाक भन्छन् ।’

‘बाइ द वे, सन्दिप क्षेत्रीको सो हाँस्ने हँसाउने सो हो । रुने सो होइन भेडा हो । तपाईंहरु कानुन सिकाउनुहुन्छ । गलत र सत्यको प्रवचन दिनुहुन्छ । नेपालको सर्वज्ञानी सोच्नुहुन्छ तर तपाईंहरुको सोच कति दरिद्र छ त्यो तपाईं–हामी सबैलाई थाहा छ । अब आउनुस मुनिबाट गाली गर्न । म त सहानुभूति खोज्ने वाहवाहीको भोको केटी होइन । म मान्छे हुँ । जे सत्य हो, त्यही बोल्छु,’ उनले थपेकी छन् ।